CIB को कालोसूचिबाट किशोरी साहको नाम हटाउन सर्वोच्चको अन्तरिम आदेश, आयोगको निर्णय कायमै

न्यूज ब्यूरो, जनकपुरधाम । राष्ट्रिय स्वतन्त्र पार्टीका उम्मेदवार किशोरी साह कमलको नाम कर्जा सूचना केन्द्रको सूचिबाट नाम हटाउन अन्तरिम आदेश जारी गरेको छ ।

सर्वोच्च अदालतमा परेको रिटमा साहको नाम कालोसूचिमा भएको कारण उम्मेदवारी रद्द भएको भन्दै गरेको अन्तरिम आदेशमा नाम हटाउन कर्जा सूचना केन्द्र र नेपाल राष्ट्र बैँकको नाममा जारी गरिएको हो । न्यायाधीश सारंगा सुवेदीको इजलासले उनको नाम हटाउन अन्तरिम आदेश दिएको हो ।

यता, निर्वाचन आयोगले भने निर्वाचन अघिसम्म उनको नाम कर्जा सूचना केन्द्रको ब्लैकलिस्टमा रहेको भन्दै उम्मेदवारी खारेज गरेको हो । निर्वाचन आयोगको प्रतिनीधिसभा निर्देशिकामा प्रमाणपत्र नपाउन्जेलसम्म कालोसूचिमा भए जति बेला पनि उम्मेदवारी खारेज भई अयोग्य ठहर हुने उल्लेख छ ।

किशोरी साह कमललाई २८ गते (आज, विहिबार) बाट उनको नाम हटाउन अन्तरिम आदेश दिएको हो ।

उनको नाम २८ गतेदेखि कालोसूचिबाट हटाइने भएपनि निर्वाचन अवधिसम्म कालोसूचिमै रहेकोले उम्मेदवारी कायम हुन सक्ने कुनै तुक नरहेको एक अधिवक्ताले बताए । उम्मेदवार अवधिसम्म उनको नाम त्यतिबेला कालोसूचिमा रहेको आधारमै निर्वाचन आयोगले उम्मेदवारी रद्द गरेकोले अब कालोसूचिबा हटेपनि उम्मेदवारी कायम हुने नदेखिएको बताए ।

भोली शुक्रबार किशोरी साह कमलको मुद्दा सन्दर्भमा सर्वोच्चले फाईल मगाएको हो । निर्वाचन आयोगलाई कुन र के कारणले उम्मेदवारी रद्द गरेको भनेर फाईल माग गरेको हो । भोली पेशी चढने भएको छ ।