चुनावमा नेपाल रेल पनि तीन दिनका लागि बन्द रहने

न्यूज ब्यूरो, जनकपुरधाम । यही फागुन २१ गते विहिबार हुने प्रतिनीधिसभा निर्वाचनलाई लिएर तीन दिन अगावै नेपाल रेल अस्थायी बन्द हुने भएको छ । निर्वाचन सुरक्षालाई मध्यनजर गरी रेल प्रशासनले तीनदिनको लागि सेवा स्थगित गर्ने जनाएको छ ।

नेपाल रेल्वे कम्पनीले एक सूचना जारी गर्दै विहिबार हुन लागेको प्रतिनीधिसभा निर्वाचनमा ७२ घण्टा अगावै देखि रेल जयनगर भँगहा रेल सेवा स्थगित रहने भएको छ ।

नेपाल सरकार तथा प्रशासनले दिन दिनको लागि नेपाल भारत सीमा समेत सील गर्ने हुँदा नेपाल भारत रेल बन्द रहने भएको छ । विहिबार साँझ ५ बजेसम्म निर्वाचन हुने भएपनि रेल सेवा सो अवधीमा बन्द रहनेछ भने शुक्रबारदेखि पुनः सोही समयमा सुचारु हुने जनाइएको छ ।