न्यूज ब्यूरो, जनकपुरधाम । राष्ट्रिय स्वतन्त्र पार्टीका वरिष्ठ नेता बालेन्द्र साह (बालेन) लाई हेर्न लामो समयदेखि कुरेका उनका समर्थकहरुमा बालेन नगएपछि निरासा छायो ।
धनुषा निर्वाचन क्षेत्र नं. ३ मा रोड शो को तालिका मिलाइएकोमा बालेन धनुषा ३ मा नगई सिधा जलेश्वर पुगेपछि धनुषा ३ मा लामो समय प्रतिक्षा गरेका उनका समर्थकहरुमा निरासा छायो । मँगलबार धनुषा निर्वाचन क्षेत्र नं. ३ मा बालेन नगएपछि उनलाई कुरेर बसेका समर्थक, कार्यकर्र्ताहरुमा निरासा छाएको देखियो ।
सिरहाबाट धनुषा पसेका बालेनको स्वागत र उनलाई हेन सडकको दुबै तर्फ लाम लागेका समर्थकहरुले बालेन सरकारको नारा लगाएका थिए । उनी सिरहाबाट तिनकोरिया हुँदै यदुकुहा हुँदै निर्वाचन क्षेत्र नम्बर २ मा भव्य ‘रोड शो’ गरे ।
रास्वपाबाट धनुषाको निर्वाचन क्षेत्र नम्बर २ मा रामविनोद यादव उम्मेदवार छन् । सो क्षेत्रको प्रायः सबै महत्वपूर्ण वडाहरुमा बालेन पुगेका थिए । तर धनुषाको निर्वाचन क्षेत्र नम्बर ३ मा नआउँदा झाप्रतिको असन्तुष्टि बालेनले पोखेको चर्चा अहिले सामाजिक सञ्जालमा चुलिएको छ ।
गुटखा र चाउचाउ उद्योगका मालिक कमलकिशोर मालपानीले राजस्व छलिएको ८ करोडको गाडी बालेनले चुनावी प्रचारमा प्रयोग गरेपछि आलोचना हुन लाग्दा रास्वपाका प्रवक्ता मनिष झाले उनको आलोचना गरेका थिए । त्यस बखतदेखि नै बालेन झाप्रति रुष्ट बनेको बताइन्छ । यद्यपि प्रवक्ता झाले कांग्रेसका समर्थकहरु मदिरा सेवन गरी विरोध गर्ने संकेत आएपछि सुरक्षाको कारण बालेन जलेश्वर तर्फ लागेको बताएका छन् ।
बालेन चढेको गाडी प्रकरणमा सार्वजनिक सञ्चार माध्यमहरुमा बालेनको आलोचनाकै कारण झाप्रति रुष्ट भएको बताइन्छ ।
धनुषा क्षेत्र नम्बर ३ का एकजना प्रभावशाली नेताका काञ्छा पुत्र बालेन साह मेयर रहेको बखत ‘कोर टीम’ मा रहेर कार्य गरेका थिए । बालेनको टिममा रहेर काम गरेको कारण मात्र नभइ व्यक्तिगत सम्बन्धसमेत प्रगाढ रहेकाले बालेनलाई धनुषा निर्वाचन क्षेत्र नम्बर ३ मा असहज भएको स्रोतले जनाएका छन् ।
महोत्तरीमा गएका बालेनलाई कयौं क्षेत्रका समर्थकहरुले हेर्न पाएनन् । बर्दिवासमा समेत लामो समय कुरेर बसेका उनका समर्थकहरुले निरासा जनाए । तोकिएको समयसीमा भन्दा अत्यधिक ढिलो गएपछि समर्थकहरु गयल भए भने अझै लामो समय कुरेका उनका समर्थकहरुले बालेनको गाडी हुँइकिएपछि असन्तुष्टि जनाएको थियो । बालेनले गाडीको रफ्तार बढाउँदै घण्टी डोलाउँदै सर्लाही लागेपछि उनका समर्थकहरुमा निरासा भएको थियो ।
बालेनको मँगलबारको तालिका कडा रहेको थियो । विभिन्न स्थानमा एकैदिन रोड शो गर्नुपर्ने भएकोले समयको अभावको कारण धेरै ठाउँमा समय दिन पाएनन् ।
टिप्पणी
आफ्नो विचार राख्न साइन इन गर्नुहोस्।
लोड हुँदै…