लोसपाका पूर्व गाउँपालिका प्रत्यासी राउतसहित करिब डेढ सय नेता कार्यकर्ता नेपाली काँग्रेसमा प्रवेश

न्यूज ब्यूरो, जनकपुरधाम । धनुषामा बटेश्वर गाउँपालिकाका प्रत्यासी गाउँपालिका अध्यक्ष अजय कुमार राउतसहित करिब डेढ सय जना नेपाली काँग्रेसमा प्रवेश गरेका छन् ।

एक कार्यक्रमबीच सोमबार धनुषाको बटेश्वरस्थित आयोजन गरिएको पार्टी प्रवेश कार्यक्रममा राउतसहित नेकपामा वडा सदस्यलगायत करिब डेड सय कार्यकर्ता नेपाली काँग्रेसलाई सघाउने भएको छ ।

धनुषा निर्वाचन क्षेत्र नं. ४ बाट उम्मेदवारी दिएका नेपाली काँग्रेसका नेता महेन्द्र प्रसाद यादवले उनीहरुलाई पार्टी प्रवेश गराएका हुन् ।

लोकतान्त्रिक समाजवादी पार्टी (लोसपा) नेपालमा रहँदै आएका अयज राउतले माथिल्ला नेताहरु जुनसुकै पार्टीसँग एकता गरेर आफ्नो मानमर्दन गरेको तथा जहिले पनि पार्टी फुटाउने, जोडने प्रवृतिबाट आजित भएर नेपाली काँग्रेसमा गएको बताए ।

उनका साथै वडा नं. ५ का वडा सदस्य अशोक कुमार यादव समेत नेपाली काँग्रेसमा प्रवेश गरेका हुन् । उनीहरुसँगै अन्य करिब डेड सयको हाराहारीमा नेता कार्यकर्ताहरु नेपाली काँग्रेसमा गएका हुन् ।