धनुषा २ः जसपा नेपालका उम्मेदवार यादबलार्ई मत दिने पैतृक गाउँलेहरुको सामुहिक प्रतिवद्धता

न्यूज ब्यूरो, जनकपुरधाम । धनुषा निर्वाचन क्षेत्र नं. २ बाट उम्मेदवारी दिएका जसपा नेपालका पशुपति यादवलाई मत दिने सामुहिक प्रतिवद्धता गाउँलेहरुले गरेका छन् ।

आगामी फागुन २१ गते तोकिएको प्रतिनीधिसभा सदस्यको लागि जसपा नेपालबाट उम्मेदवारी दिएका यादवले आफ्नो गाउँका सम्पूर्ण गाउँलेहरुलाई भेला गरेर सहयोग गर्न अपिल गरेका थिए । सो क्रममा गाउँलेहरुले जुनसुकै पार्टीको भएपनि गाउँले हिसाबले मत दिने प्रतिवद्धता जनाएको हो ।

विभिन्न दलका प्रतिनीधिहरुलाई एक ठाउँमा भेला गरी उम्मेदवार यादवले विगतमा आफूबाट भएको कुनै गल्तीतलाई माफ गरी यसपाली गाउँलेको हिसाबले सहयोग गर्न अपिल गरे । उनले आफूलाई नै भोँट दिनुपर्छ भन्ने नबुझी विभिन्न तबरबाट सहयोगको अपेक्षा जनाए । सो क्रममा गाउँलेहरुले जुनसुकै तवरबाट भएपनि यसपाली सहयोग गर्ने प्रतिवद्धता जनाए ।

नेपाली कम्यूनिष्ट पार्टीका नेता एवम् पूर्व वडाध्यक्ष धनेश्वर यादव, नेपाली काँग्रेसका नगरसभापति शंकर प्रसाद यादव, वडा नं. २ का वर्तमान वडाध्यक्ष ठकु यादव, एमालेका उपेन्द्र यादवसहितका नेता कार्यकर्ताहरुले गाउँले हिसाबले मत दिने र सहयोग गर्ने प्रतिवद्धता जनाएको थियो ।

कमला नगरपालिका वडा नं. २ माचि झिटकैयाका वासिन्दा रहेका उम्मेदवार पशुपति यादवले पहिलो पटक गाउँलेलाई भेला गरी सहयोग मागेका हुन् ।