सबैलामा राप्रपाका वडाध्यक्षसहित १५० बढी नेता कार्यकर्ता मातृकासँग

न्यूज ब्यूरो, जनकपुरधाम । सबैला नगरपालिका वडा नं. ४ वल्टिया र वडा नं. ८ ठिल्लामा आयोजित एक पार्टी प्रवेश कार्यक्रममा राप्रपा सबैला नगरपालिका ४ का वडा अध्यक्ष मनोहर कुमार दनुवार, लक्ष्मी पंजीयार लगायत विभिन्न राजनीतिक दल परित्याग गरी १५० जना भन्दा बढी युवा, महिला तथा वृद्धजन नेपाली कम्युनिष्ट पार्टी ९नेकपा० मा प्रवेश गरेका छन् ।

कार्यक्रममा नेपाली कांग्रेस, नेकपा एमाले, राप्रपासहित विभिन्न पार्टीमा आवद्ध नेता कार्यकर्ताहरूले नेकपाको नीति, सिद्धान्त र जनमुखी कार्यक्रमबाट प्रभावित हुँदै पार्टी प्रवेश गरेको बताएका छन् ।

कार्यक्रममा नेकपाका धनुषा निर्वाचन क्षेत्र नं. १ का उम्मेदवार मात्रिका प्रसाद यादवले नवप्रवेशी सदस्यहरूलाई अबिर र माला लगाई स्वागत गरेका थिए । उनीहरूले पार्टीलाई जनताको वास्तविक आवाज बनाउँदै समाजिक न्याय, समानता र विकासका लागि संगठित रूपमा अघि बढ्ने प्रतिबद्धता व्यक्त गरे ।

पार्टी प्रवेश कार्यक्रममा वक्ताहरूले वर्तमान राजनीतिक अवस्थाप्रति असन्तुष्टि बढ्दै गएको उल्लेख गर्दै नेकपा मात्र श्रमिक, किसान, महिला र उत्पीडित वर्गको पक्षमा उभिने सशक्त शक्ति भएको दाबी गरे । उनीहरूले सबैला नगरपालिकामा पार्टी संगठनलाई अझ मजबुत बनाउँदै आगामी राजनीतिक संघर्ष र निर्वाचनमा निर्णायक भूमिका खेल्ने विश्वास व्यक्त गरे ।

कार्यक्रममा स्थानीय बुद्धिजीवी, समाजसेवी तथा सर्वसाधारणको उल्लेख्य उपस्थिति रहेको थियो। पार्टी प्रवेशसँगै सबैला क्षेत्रमा नेकपाप्रतिको जनसमर्थन विस्तार हुँदै गएको संकेत देखिएको सहभागीहरूले बताएका थिए ।