हतियार सहित एक भारतीय नागरिक पक्राउ

बाबु प्रेम यदुवन्शी |
महोत्तरी,११ साउन । महोत्तरीमा एक भारतिय स्वचालित पेस्तोल र त्यसमा लाग्ने गोली तिन थान सहित पक्राउ परेका छन ।

 

नेपाल प्रहरीले शंकाको आधारमा खान तलासी गर्दा जिल्लाको सम्सी गाउपालिका वडा नं. २  स्थित सम्सी बजार देखि पर्सागाउ जाने कच्ची सडकमा भारत सितामढी जिल्ला बथनाहा पंचायत महुअवा ग्राम नरहा झिटकहिया वडा नं. ५ निवासी जितेन्द्र कुमार राय विहिवार साझ पक्राउ परेका हुन । 

महोत्तरीमा विगतको समयमा आपराधिक घटनाहरु वढेपछि प्रहरीले सुरक्षा कडा पारेको वताउदै महोत्तरीका प्रहरी प्रवक्ता डिएसपी खगेन्द्र वहादुर खडकाले पक्राउ परेका व्यक्ती विआर ०६ एक्यु १३४९ नं. को अपाचे मोटरसाईकलमा आईरहेकोमा शंका लागि खानतलासी गर्दा हतियार फेला परेको बताए ।

 

 उनले जिल्ला अदालत जलेश्वरबाट अनुसन्धानको लागि म्याद थप भई थप अनुसन्धान भईरहेको बताए ।

 

गत महिनामात्र हतियार देखाई जिल्लाको सरपल्लो चोकमै एक रेमिटेन्सका कर्मचारीसंग लाखौ रकम लुटपाट गरिएको थियो भने असार कै पहिलो साता झिंगास्थानमा १५ देखि २० जनाको समुहमा रहेको डाकाहरुले स्थानिय घरहरुमा लाखौ नगर र गहना लुटपाट गरि घरधनीहरुलाई घार्इते समेत बनाएको थियो ।