घण्टीबाट चुनाव लडन मन्त्री बब्लु गुप्ताले पनि दिए राजीनामा, भोली मनोयन दर्ता गराउने

न्यूज ब्यूरो, सिरहा । युवा तथा खेलकुदमन्त्री बब्लु गुप्ताले पदबाट राजीनामा दिएका छन्। उनी राष्ट्रिय स्वतन्त्र पार्टी (रास्वपा) को तर्फबाट निर्वाचनमा उम्मेदवारी दिने तयारीमा रहेका कारण मन्त्री पदबाट अलग भएको बताएका छन्।

मन्त्री गुप्ताका अनुसार उम्मेदवारी दर्ताअघि नै पद त्याग्नु उपयुक्त ठानेर राजीनामा दिएका हुन्। “मैले प्रधानमन्त्रीलाई राजीनामा दिने जानकारी गराइसकेको छु,” मन्त्री गुप्ताले अनलाइनखबरसँग भने, “प्रधानमन्त्रीले प्रक्रिया मिलाउन मात्र बाँकी छ।”

उनले अब पूर्ण रूपमा निर्वाचन अभियानमा होमिने स्पष्ट पारेका छन्। बब्लु गुप्ता जेन–जी पुस्ताको प्रतिनिधिका रूपमा सुशीला कार्की नेतृत्वको सरकारमा सहभागी भएका थिए।

उनको राजीनामासँगै युवा तथा खेलकुद मन्त्रालय नेतृत्वविहीन बनेको छ भने आगामी दिनमा मन्त्रालयको जिम्मेवारी कसलाई दिइने भन्नेबारे सरकारको निर्णय आउन बाँकी छ।