धनुषा निर्वाचन क्षेत्र नं. ३ बाट रास्वपा (घण्टी) का प्रवक्ता 'मनिष झा' लडने लगभग पक्कापक्की

न्यूज ब्यूरो, जनकपुरधाम । रवि लामिछाने नेतृत्वको राष्ट्रिय स्वतन्त्र पार्टी (रास्वपा) का प्रवक्ता मनिष कुमार झाले धनुषा निर्वाचन क्षेत्र नं. ३ बाट चुनाव लडने लगभग पक्कापक्की भएको छ ।

राष्ट्रिय स्वतन्त्र पार्टीबाट २०७९ सालमा साँसद समेत बनेका प्रवक्ता झा धनुषा निर्वाचन क्षेत्र नं. ३ बाट लगभग पक्का भएको छ । नेताहरुमा बुद्धिजीवी सर्कल र बोल्ने कला शैलीमा माहिर मानिएका नेता झा धनुषा ३ बाट लडने भएका छन् ।

न्यूज ब्यूरोसँगको संक्षिप्त कुराकानीमा झाले धनुषाको सबै निर्वाचन क्षेत्रसहित अन्य सबै जिल्लाको सबै निर्वाचन क्षेत्रको उम्मेदवार भोली आईबार साँझसम्म शतप्रतिशत पक्का भएर वेभसाईटमै जानकारी गराइने बताए ।

धनुषा ३ बाट रास्वपाको अर्का कोही उम्मेदवार हुन सक्ने प्रश्नमा झाले आफू पूर्व साँसद समेत रहेकोले आफू पक्का भएपनि अहिले भन्न नमिल्ने बताए । उनले अन्तिम समयसम्म टिकट परिवर्तन भएको नजिर औल्याउँदै आईबार साँझसम्म सबै प्रष्ट हुने बताए ।

पार्टी अध्यक्ष लामिछानेका विश्वास पात्र रहेका झाले धनुषा ३ बाट लडने भएपछि राजनीतिक तरँग छ । समाजिक सँजालमा देखिएको चुनावी तरँगमा धनुषाको चारवटै निर्वाचन क्षेत्र पनि उत्सुकताको विषय बनेको छ ।