.png)
न्यूज ब्यूरो, जनकपुरधाम । पूर्वी धनुषाको कमला नगरपालिकाको नवौँ नगरसभामा भाँडभैलो भएको छ । नगर प्रमुख विशेश्वर यादव र वडाध्यक्षहरुबीच चर्काचर्की भएपछि नगरसभा भण्डोल भएको हो ।
शुक्रबार कमला नगरपालिकाले समाजिक सँजालमा एक सूचना जारी गर्दै नवौँ नगरसभाको लागि जनप्रतिनीधिहरुलाई भेला हुनको लागि बोलाएकोमा वडाध्यक्षहरुले हरहिसाब माग गरेपछि नगरसभा भण्डोल भएको हो ।
-(1).png)
नगर प्रमुख विशेश्वर यादवले स्पष्ट सूचना नदिई बैठकमा बोलाएर नगरसभा गर्न लागेको आरोप वडासदस्यहरुले लगाउन थालेपछि विवाद सुरु भएको थियो । वडाध्यक्ष र वडा सदस्यहरुले आफूहरुलाई अधिकारिक रुपमा कुनै पत्र प्राप्त नभएको आरोप लगाए । समाजिक सँजालमा पत्र हालेर छलकपट गरी नगरसभा गर्न लागेको आरोप उनीहरुले लगाएका थिए ।
वडाध्यक्षहरुले विगतदेखि नै आर्थिक बर्षको अन्त्यसम्मको हरहिसाब पारदर्शी गर्नुपर्ने, लेखा अधिकृत परिवर्तन गर्नुपर्ने लगायतका मुख्य मागहरु राखी वडाध्यक्षहरु आन्तरिक विरोधमा रहेका छन् ।
वडा नं. १ का वडाध्यक्ष सरददेव यादवले मेयरमाथि विश्वासघातको आरोप लगाए । उनले कैयौँ पटक वाचा गरेर मानमर्दन गरेको आरोप लगाए । नगरसभाको लागि कुनै जानकारी नदिएर बैठक बोलाएको आरोप लगाउँदै । कमिशनको खेलले नगरपालिका बिग्रेको बताए ।
.jpeg)
वडा नं. ४ का वडाध्यक्ष दिपक गोहिबार मेयर यादवले नगरका योजनाहरुको भुक्तानी भएपनि वडाका योजनाहरुको भुक्तानी जानीजानी अवरोध गरेको आरोप लगाए । उनले भुक्तानी अवरोध गरी नयाँ आर्थिक बर्षको लागि नगरसभाको सहजता र वडाध्यक्षहरु सभा गर्न मजबुर होस भन्ने उदेश्यले फाईल रोकेको आरोप लगाए ।
वडा नं. ३ का वडाध्यक्ष रामभगत यादवले पटक पटक हरहिसाब दिन्छु भनेर नदिएको तथा अधिकारिक रुपमा नगरसभा नगरेको भन्दै नगरसभा हुन दिएनन्् । उनले मेयर यादवमाथि छलकपटको आरोपसम्म लगाए । उनले हरहिसाब क्लीयर नगरेसम्म नगरसभामा भाग नलिने बताए ।
वडा नं. २ का वडाध्यक्ष ठकु यादवले भने अधिकारिक रुपमा पत्र मार्फत जानकारी आउनुपर्नेमा नभएकोप्रति आपत्ति जनाए । वडा नं. ५ का वडाध्यक्ष शिवा पासवानले मेयर यादवप्रति आक्रोस पोखे । उनले सुरुदेखि नै मेयरले आफूहरुको अवहेलना गरेको आरोप लगाए ।
सो क्रममा नगर प्रमुख यादवले आफू कुनै फाईल नरोकेको बताए । उनले केही वडाध्यक्षहरुले आफूप्रति प्रतिशोधको भावना राखेर आरोप लगाएको बताए । मेयरले चाँडै प्रतिनीधिहरुको माग पुरा गरी नगरसभा हुने बताए ।
जनकपुरमा मृृत फेला परेकी युवतिको खुल्यो पहिचान, हत्या गरिएको् प्रहरीको भनाई
- २०८२ माघ ४ शनिबार
न्यूज ब्यूरो, जनकपुरधाम । जनकपुरमा बुधबार विहान मृत अवस्थामा फेला परेकी युवतिको पहिचान खुलेको छ । जिल्ला प्रहरी कार्यालय धनुषाले जनाए अनुसार, उनी यौनिक अल्पसँख्यक युवति रहेको जनाइएको छ । प्रहरी
पूरा पढ्नुहोस्
.jpeg)
