मधेशमा थपिए दुई मन्त्री, थप मन्त्रीको बार्गेनिँग पुस ४ गतेपछि

न्यूज ब्यूरो, जनकपुरधाम । मधेश सरकारमा रहेका सातै दलको मन्त्रालय बाँडफाँडमा तीन बुँदे तत्काल सहमति भएको छ ।

आज बसेको सत्तारुढ ७ दलिय बैठकबाट तत्काल ७ मध्ये लोसपा नेपाल र नेपाली कम्यूनिष्ट पार्टी माओवादी (केन्द्र) बाट एक जना मन्त्री सपथ लिएका छन् । लोसपा नेपालबाट रानी शर्मा तिवारी शिक्षामन्त्री र माओवादीका जवाहरलाल कुशवाहा उर्जा, सिँचाई मन्त्रीमा सपथ लिएका छन् ।

बाँकी रहेका दलबाट मन्त्री बन्नेहरुको नाम भने विश्वासको मत लिएपछि मात्र पक्का हुने सहमति भएको छ । पुस ४ गते तोकिएको मुख्यमन्त्रीको विश्वासको मत लिएपछि बाँकीका मन्त्रीहरुको भागबण्डा हुने सहमति भएको हो ।

आउँदो पुस ४ गते मुख्यमन्त्री कृष्णा प्रसाद यादवले विश्वासको मत लिएपछि बाँकी दलबाट मन्त्रीहरुको नाम सिफारिस हुने तथा मन्त्रालय तोकिने सहमति भएको हो ।