जसपा नेपाल धनुषा निर्वाचन क्षेत्र नं. २ को अध्यक्षमा दिपिनदेव यादव सर्वसम्मत

न्यूज ब्यूरो, जनकपुरधाम । उपेन्द्र यादव नेतृत्वको जनता समाजवादी पार्टी (जसपा) नेपालको धनुषा निर्वाचन क्षेत्र नं. २ को क्षेत्रिय अध्यक्षमा दिपिन देव यादव सर्वसहमतिले चयन भएका छन् ।

निरन्तर धनुषा निर्वाचन क्षेत्र नं. २ को औरही गाउँपालिका, औरहीमा बसेको पार्टीको विस्तारित बैठकबाट यादवलाई अध्यक्ष पदमा निर्विरोध चयन गरिएको हो ।

आगामी फागुन २१ गते हुन लागेको प्रतिनीधिसभा चुनावको लागि तयारीमा जुटेका जसपा नेपालले क्रान्तीकारी युवाको रुपमा परिचित जनकनन्दिनी गाउँपालिकाका निर्वाचित गाउँपालिका अध्यक्ष (मेयर) समेत रहेका यादवलाई उनको कार्य कौशलताको आधारमा अध्यक्षमा निर्विरोध चयन गरिएको हो ।

बर्षौदेखि क्षेत्रिय प्रतिनीविहिन रहेको जसपा नेपाल धनुषाले क्षेत्र नं. २ मा यादवलाई क्षेत्रीय अध्यक्षको जिम्मेवारी सुम्पेको हो । पार्टीमा पालिकास्तरबाट राजनीति सुरु गरेका यादवले पार्टीमा क्षेत्रिय अध्यक्षको हेसियत बनाउन सफल भएका छन् ।

क्षेत्रिय अध्यक्ष बनेपछि यादवले आफ्ना समर्थक, राजनीतिक अगुवा, अग्रज तथा अग्रपङगतिमा रहेका नेतृत्व वर्गलाई धन्यवाद ज्ञापन गरेका छन् । उनले आफ्ना सहयोगी साथीहरुलाई समेत धन्यवाद ज्ञापन गरेका छन् । पार्टीप्रति उनको लगनशिलता, कर्मशिलता र नेतृत्वदायी भूमिकालाई मूल्याँकन गर्दै क्षेत्रिय अध्यक्षको रुपमा चयन भएका छन् ।