धनुषामा एक वडाध्यक्षलाई गोली हानेर हत्या, एक गम्भिर !

न्यूज ब्यूरो, जनकपुरधाम । धनुषामा एक जनप्रतिनीधिलाई गोली हानेर हत्या गरेको छ । धनुषाको मिथिलाबिहारी नगरपालिका वडा नं. ९ का वडाध्यक्ष विन्देश्वर यादवलाई गोली प्रहार गरी हत्या भएको छ ।

आज शुक्रबार साँझ करिब ६ः०० बजेको समयमा मिथिलाबिहारी नगरपालिका वडा नं. ९ अन्दुपट्टिस्थित यादवलाई गाउँकै प्रहरी जवान सम्भु यादवले गोली प्रहार गरी हत्या गरेका हुन्।

गोली प्रहारबाट वडाध्यक्षको उपचारको क्रममा प्रादेशिक अस्पतालमा मृत्यू भएको छ । वडाध्यक्ष यादवसँगै उनका एक दियादलाई समेत गोली हानेको बताईएको छ । उनको उपचार सोही अस्पतालमा भईरहेको छ ।

स्थानीय तहको निर्वाचनमा उनी स्वतन्त्र उम्मेदवारीबाट निर्वाचित भएका थिए । घटनापछि प्रहरी जवानलाई धनुषा प्रहरीले नियन्त्रणमा लिएर अनुसन्धान अघि बढाएको जनाएको छ। विस्तृत विवरण आउन बाँकी छ।