जनकपुरधामका सरसफाई कर्मचारीलाई मेयर साहको सम्मान

न्यूज ब्यूरो |
जनकपुरधाम, ५ साउन । जनकपुरधाम उप माहानगरपालिकाका मेयर लाल किशोर साहले सफाई कर्मचारीहरुलाई आज एक कार्यक्रम विच रैन कोट, वुट र ग्लोव वितरण गरेका छन् ।

गाडी किनेपछि समाजिक सञ्जालमा चर्को विरोध भईरहेको बेला उपमहानगरपालिकाको कार्यालयमा शुक्रवार आयोजित एक कार्यक्रमको दोरान सफाई कर्मचारीहरुलाई बर्षातको मौसमलाई मध्यनजर गर्दै आवश्यक पर्ने ती सामग्रीहरु वितरण गरेको हो ।

उप महानगरपालिकामा सवा सय सफाई कर्मचारी रहेको छ । सो अवसरमा मेयर साहले दुई जना सफाई कर्मचारीलाई पुरस्कृत समेत गरेका थिए ।

सफाइ कर्मचारीहरु मध्ये नगिना देवी मेस्तरनीले मात्रै सो कार्यक्रममा उप-महानगरपालिकाले तोकेको केसरीया रंगको कपडा लगाएर आएका कारण उनलाई मेयर साहले एक हजार नगद पुरस्कार दिएका थिए ।

जनकपुरधाम उप महानगरपालिका नाम सवै भन्दा पहिला उच्चारण गरेकी निलम देवीलाई पाँच सय रुपैयाँ प्रदान गरिएको थियो ।

कार्यक्रममा मेयर साहले सफाई कर्मचारीहरुलाई इमान्दारी पूर्वक सरसफाई कार्यमा लाग्नकालागि निर्देशन समेत दिएका थिए ।

उनको काम सराहनीय रहेको भन्दै सरसफाई कर्मचारीहरुले यत्रो लामो समय देखि काम गर्दा पनि आज सम्म कसैले हामीहरुको स्वास्थ्यको बारेमा ख्याल नगरेको गुनासो गर्दै मेयर साहको प्रसंसा गरेका थिए ।

मेयर साहले सरसफाई कर्मचारीहरुलाई जनकपुरधाम उप महानगरपालिका तपाईहरु संग रहेको भन्दै स्वस्थ्य जनकपुरधाम स्वस्थ्य जनकपुरधाम निर्माणमा हातोमालो गरेर अगाडी बढ्न आग्रह गरे ।