जनकपुरधामको राममन्दिरको प्राँगनमा वृहत सरसफाई गरियो

न्यूज ब्यूरो |
जनकपुरधाम, ५ साउन । जनकपुरधामको ऐतिहासिक राम मन्दिरको अगाडी पार्कमा वृहत सरसफाई गरिएको छ ।

जनकपुरधामका समाजसेवी बैद्यनाथ साहको अगुवाई तथा पहलमा मन्दिर अगाडीको पार्कमा देखिएको फोहोर मैला र गन्दकीलाई मध्यनजर गर्दै वृहत सरसफाई गरिएको हो ।

सरसफाई अभियान अन्तर्गत प्रत्येक सप्ताह गरिदैँ आएको सरसफाईको क्रममा शनिबार राम मन्दिर अगाडी पार्ककको सरसफाई गरिएको अभियन्ता बैद्यनाथ साहले जानकारी दिए ।

स्थानीय समाजसेवी, जेष्ठ नागरिक, बुद्धिजीवी, सँचारकर्मी, कलाकर्मी, युवाहरुको सक्रियतामा सरसफाई गरिएको हो ।

स्वच्छ जनकपुरधाम, सुन्दर जनकपुरधाम, सफा जनकपुरधामको नारा सहित प्रत्येक सप्ताह जनकपुरधामको विभिन्न सार्वजनिक स्थानमा सरसफाई गरिदै आएको छ ।