कमला नगरपालिकाका वडा सदस्य यादवले गराए प्रहरीचौकी पुनःस्थापना

न्यूज ब्यूरो, जनकपुरधाम । जेनजी आन्दोलनको क्रममा तोडफोड तथा लुटपाट गरिएको पूर्वी धनुषाको कमला नगरपालिका वडा नं. २ स्थित माचि प्रहरीचौकीमा एक वडासदस्यले पुनःस्थापना गराउन पहलकदमी गरेका छन् ।

जेनजी आन्दोलनपछि विस्थापित भएका प्रहरी र प्रहरीचौकी पुनःस्थापनाको लागि कमला नपा वडा नं. २ का वडासदस्य जीतनारायण यादवले आफ्नो नीजि लगानीमा प्रहरीचौकी पुनःस्थापना गर्न सहयोग गरेका हुन् ।

चौकी छाडेर गईसकेको प्रहरीचौकीमा जिन्सी समानहरु वडासदस्य यादवले दिएपछि प्रहरीहरु फिर्ता आएका हुन् । जेनजी आन्दोलनको नाममा केही उच्छृँगलहरुले तोडफोड, लुटपाट गरेका थिए । वडासदस्य यादवले आफ्नो नीजि खर्चबाट समानहरु किनिदिएपछि चौकी पुनःस्थापना भएको हो ।

सो क्रममा ईलाका प्रहरी कार्यालय खजुरीका प्रमुख, चौकी प्रमुख, वडाध्यक्ष, पूर्ववडाध्यक्ष, समाजसेवी, पेशाकर्मी, कर्मचारीहरुको् सहभागिता रहेको थियो ।