मधेशका उद्योग, पर्यटनमन्त्री कुशवाहाले घोषणा गरेका सबै योजना नयाँ रेडबुकमा समावेश (रेडबुकसहित)

न्यूज ब्यूरो, जनकपुरधाम । मधेश प्रदेशका उद्योग, वाणिज्य तथा पर्यटनमन्त्री ई. बसन्त कुशवाहाले घोषणा गरेका सबै योजना तथा कार्यक्रमहरु रेडबुकमा समावेश गरिएको छ ।

आगामी आर्थिक बर्ष २०८२/०८३ को नयाँ बजेटको लागि मन्त्री कुशवाहाले १२ बुँदे मुख्य गौरवका योजनाहरु घोषणा गरेका थिए । नयाँ आर्थिक बर्षको लागि मन्त्री कुशवाहाले राखेका योजनाहरु रेडबुकमा समावेश गरेपछि मधेशको पर्यटन क्षेत्रमा नयाँ क्रान्ती थपिने सँकेत देखिएको छ ।

बजेट आउनुपूर्व मन्त्री कुशवाहाले नीति तथा कार्यक्रममा भिजिट मधेश २०८३ घोषणा, ⁠मधेश लगानी सम्मेलन, ⁠डायस्पोरा समिट, ⁠ट्रैवेल एण्ड टूर समिट, ⁠अयोध्यामा जनकपुरको प्रचार प्रसार, ⁠४० प्रमुख पर्यटकीय स्थल स्तरोन्नति, ⁠८ वटै जिल्ला सदरमुकाम जोड्ने पोडवे, ⁠उद्योग, ब्यवसाय तथा किसानका लागी लोन कार्ड, ,⁠मधेश स्पेस तथा कम्युनिकेशन सेन्टर संचालन, ⁠मधेश स्टार्ट अप कार्यक्रम, ⁠यूरिया सहित रासायनिक मलखाद उद्योगका लागि संभाव्यता अध्ययन र १० हजार जनालाई व्यवसायिक स्किल तालिम जस्ता प्रमुख योजनाहरु रेडबुकमा समावेश गरिएको छ ।

साउनदेखि कार्यक्रमको शुभारम्भ हुने मन्त्री कुशवाहाले जनाए । उनका अनुसार, अपेक्षाकृत रुपमा बजेट विनियोजन नभएपनि गौरवका योजनाहरु समावेश भएको कृतज्ञा प्रकट गरे ।

उनले समावेश गरेका योजनाहरु बाहेक भारतको अयोध्यामा जानकी मन्दिरको बारेमा डिस्पले बोर्डसमेत लगाउने भएको छ । अयोध्या जाने धार्मिक पर्यटक जानकी मन्दिरको डिस्पले हेरेपछि जनकपुर आउने सम्भावना अधिक हुने बताए ।

मन्त्री कुशवाहाले भने, “हामी अयोध्या राम मन्दिरमा माता जानकीको डिस्प्ले बोर्ड लगाउँछै, जसमा जानकी मन्दिरको बारेमा एनिमेशन चल्नेछ । दैनिक लाखौँ पर्यटक त्यहाँ जान्छन, त्यसको १ प्रतिशत पनि दैनिक जनकपुर आए, यहाँ बजारिकण, व्यवसाय खुव चल्नेछ । जसले सरकारको राजश्व पनि उत्तिकै बढनेछ । यहाँका व्यापारीहरुमा एउटा नयाँ उत्साह थपिनेछ ।”