आध्यात्मिक ज्ञानले आत्मवल बढछ : प्रदेश प्रमुख कायश्थ

न्यूज ब्यूरो |
जनकपुरधाम, २२ असार । प्रदेश नं. २ का प्रदेश प्रमुख रत्नेश्वरलाल कायस्थले आध्यात्मिक ज्ञानले सबैमा प्रेरणा मिल्ने बताउनुभएको छ ।

जनकपुरको जानकी मन्दिरको प्राङ्गणमा आयोजित सँगीतमय रामकथाको उद्धघाटन गर्दै प्रदेश प्रमुख कायस्थले सो कुरा बताउनुभएको हो ।

उहाँले आध्यात्मिक ज्ञानले आत्मवल बढ्ने समेत बताउनुभएको छ । त्रिदिवसिय रामकथाको परमपुज्य आचार्य श्री सुदर्शन जी महाराजले वाचन गर्नुहुने कार्यक्रम रहेको छ ।

सो कार्यक्रममा सुदर्शन जी महाराजले नेपाल भारतक दुवै देशको साझा धार्मिक राजधानीको रुपमा जनकपुरधाम रहेको समेत बताउनुभएको छ ।

बिश्वको ५० भन्दा बढी देशमा राम कथाको प्रचार गर्नुभएका सुदर्शन जी महाराजले सयौ धार्मिक पुस्तक समेत लेखीसक्नुभएको छ ।

सो कार्यक्रममा प्रदेश प्रमुखका साथै मुख्यमन्त्री कार्यालयका सचिव हरि फुयाँल, जानकी मन्दिरका छोटा महन्थ रोशन दास, प्रदेश साँसद राम अशिष यादव, बृहत्तर जनकपुर विकास क्षेत्रका अध्यक्ष शालिग्राम सिँह, डा. बिजय सिँह सहितको उपस्थिती रहेको थियो ।