धनुषामा ट्रिपर रुखमा ठोकियो, चालक घाईते

न्यूज ब्यूरो |
जनकपुरधाम, २२ असार । धनुषामा ट्रिपर रुखमा ठोक्किदा चालक घाईते भएका छन् ।

धनुषाको जनकपुर– ढल्केबर सडक खण्ड अन्तर्गत हरैया र नक्टाझिजको बीचमै ट्रिपर अनियन्त्रित भई रुखमा ठोकिएको जिल्ला प्रहरी कार्यालय धनुषाले जनाएको छ ।

प्रहरीका अनुसार तीव्र गतिमा आउँदै गरेको ना १ ख ८३९३ नम्बरको भारत बेन्ज कम्पनीको टिफर अनियन्त्रित भईरुखमा ठोक्किएर दुर्घटना भएको छ।

दुर्घटनामा परी चालक समान्य घाईते भएका र खुट्टामा चोट लागेको उनको जनकपुर अञ्चल अस्पतालमा उपचार भईरहेको प्रहरीले जनाएको छ ।

जिल्ला ट्राफिक प्रहरी कार्यालय धनुषाले ट्रिपरमा टाईम कार्ड लागु गरेपनि व्यवहारिक रुपमा पूर्णतः लागु हुन सकेको छैन ।

गति नियन्त्रणको लागि टाईमकार्ड लागु गरिएको भएपनि ट्रिपर चालकहरुले ट्राफिक धनुषालाई चुनौति दिँदै आएको छ ।