जनकपुरमा कलम छापका पत्रकारहरु एमालेमा

न्यूज ब्यूरो, जनकपुरधाम । जनकपुरमा पत्रकारिता गर्दै आएका नेकपा एकिकृत समाजवादी पार्टीका पत्रकारहरु एमालेमा प्रवेश गरेका छन् ।

जनकपुरका पत्रकार एवम् नेपाल पत्रकार महासंघका पूर्व कोषाध्यक्ष शितल साह एकिकृत समाजवादी छाडेर एमालेमा प्रवेश गरेका छन् । साहसँगै एकिकृत समाजवादी पार्टीकै पत्रकार प्रविण साह र अकुल प्रसाद साह पनि एमालेका नेता रघुवीर महासेठबाट टिका चन्दन लगाई एमालेमा प्रवेश गरेका छन् ।

प्रविण साह सुरुमा नेपाली काँग्रेस पार्टी निकट प्रेस युनियनमा थिए । काँग्रेस त्यागेर एकिकृत समाजवादी पसेका साह पुनः एकिकृत छाडेर एमालेमा गएका हुन् ।

तीनै जना पत्रकारलाई नेता महासेठले अबिर लगाएर पार्टीमा स्वागत गरेका हुन् ।