काठमान्डौँमा फोहोर गरेको भन्दै महानगरले राप्रपालाई दियो १ लाखको जरिवाना पूर्जी

न्यूज ब्यूरो, सिरहा । सिरहाको नरहा गाउँपालिका वडा नम्बर ३ को सिफारिसबाट नागरिकता बनाएका भारतीय नागरिक मोस्ताक मियाँको नागरिकता बदर गर्नको लागि सिफारिस गरिएको छ । 

वडा नम्बर ३ का वडाध्यक्ष रुस्तम अन्सारी र वडासचिव रामदेव मण्डलले मँगलबार जिल्ला प्रशासन कार्यालय सिरहालाई पत्राचार गरी नागरिकता सिफारिस बदर गर्न सिफारिस गरेको हो । 

नरहा गाउँपालिका वडा नम्बर ३ खोरिया बस्ने अमानत मियाँले झुक्याएर भारतीय नागरिकको सिफारिस गराएको उल्लेख गर्दै सो नागरिकता बदरको लागि सिफारिस गरिएको हो । भारत, बिहार, मधुबनी जिल्लाको जयनगर ग्राम पञ्चायत देउधाका मोसताक मियाँलाई नेपाली नागरिक्ताको लागि सिफारिस दिएको थियो । 

न्यूज ब्यूरोमा वडाध्यक्ष अन्सारी र वडा सचिव मण्डलको बारेमा भारतीय नागरिकको नागरिकताबारे समाचार प्रकाशित भएपछि वडाध्यक्षको निर्देशनमा वडासचिव मण्डलले नागरिकता सिफारिस बदरको लागि सिडिओ कार्यालयलाई पत्राचार गरेको हो । 

खोरियाका अमानत मियाँ ९नागरिकता नम्बर १५३०७०/८२० र उनकी पत्नी रजिना खातुन ९नागरिकता नं। १५-०१–७६०१३३५० लाई नक्कली बुवा बनाएर झुक्याएर नागरिकता सिफारिस लिएको उल्लेख पत्रमा गरिएको छ । 

यता, अमानत मियाँले भने, सचिवले अलमल्याएर सहि गर्न लगाएको आरोप लगाएका छन् ।