परिक्रमाको धार्मिक लस्करलाई धनुषाको पर्वतामा भव्य स्वागत, साधुसन्तलाई ९० क्वीन्टल दाउरा

न्यूज ब्यूरो, जनकपुरधाम । १५ दिने माध्यमिकी परिक्रमाको धार्मिक लस्करलाई धनुषाको पर्वतामा भव्य स्वागत गरिएको छ ।

धनुषाधाम नगरपालिका वडा नम्बर ५ का वडाध्यक्ष ईन्द्र कुमार महतोको अगुवाईमा गएको गाउँवासीहरु मिथिलाबिहारी र किशोरीजीको डोलालाई पर्वतामा स्वागत साथ ल्याएका हुन् ।

पर्वता गाउँवासीहरु मिलेर परिक्रमामा आएका साधुसन्तको लस्करलाई ९० क्वीन्टल दाउरा प्रदान गरेका छन् । साधुसन्तलाई भोजन र वासको व्यवस्था मिलाउँदै गाउँवासीहरुले ४० क्वीन्टल चालम, डेढ क्वीन्टल दाल, तरकारी, नुन, तेल, मसाला समेत वितरण गरेको हो ।

महोत्तरीको कञ्चनवनमा होली खेलेर धनुषा प्रवेश गर्ने धार्मिक लस्कर भोली ऐतिहासिक धनुषाधाम पुग्ने भएको छ । पर्वतादेखि केही दुरीमा रहेको धार्मिक लस्कर विहानै धनुषाधाम विश्राम गर्र्ने भएको छ ।

साधुसन्तहरुलाई वडाध्यक्षको अगुवाईमा फलफूल, घ्यू लगायका समाग्रीहरु समेत वितरण गरिएको स्थानीय धर्मेन्द्र साहले जानकारी दिए ।