महिनाथपुरका डिएसपी रिजालले सर्वसाधारणलाई दुःख दियो, तस्कर मोटाएः मेयर दास

न्यूज ब्यूरो, जनकपुरधाम । सशस्त्र प्रहरी महिनाथपुर गुल्मका ईन्चार्ज डिएसपी सुुरज रिजालले तस्कर पालेको आरोप लागेको छ ।

धनुषा विदेह नगरपालिकाका मेयर बेचन दासले डिएसपी रिजालले पावर प्रयोग गरी आम सर्वसाधारणलाई दुःख दिने गरेको आरोप लगाएका छन् । मेयर दासले तस्करीका समानहरु निर्वाध आएपनि दैनिक घरायसी प्रयोजनका समान ल्याउने सर्वसाधारणलाई दुःख दिन थालेको आरोप लगाएका छन् ।

उनले गाउँमा सिसिटिभी क्यामेरा लगाएर अनाहक निगरानी बढाएकोप्रति आक्रोस पोख्दै सर्वसाधारण तर्साउन मात्र खोजेको आरोप लगाए । उनले भने–“म विदे नगरपालिकाका मेयर हुँ, म यहाँको प्रमुख हुँ, मेरो वडाहरु मेरो मातहतमा छ । कहाँ के गर्नुपर्छ त्यो हाम्रो सरोकारको विषय हो । हामीसँग कुनै अनुमति नै नलिई क्यामेरा जडान गर्नु उपयुक्त होईन, यसले आम सर्वसाधारणले विरोध जनाएको छ ।”

ठुल ठुला तस्करहरुको लाखौँको समान पास भएपनि साना तिना सर्वसाधारणलाई तेल नुनको लागि रोकेर १० रुपैयाँ ५० रुपैयाँ लिने गरेको आरोप लगाए । उनले ठुला तस्करलाई बचाउनको लागि आम सर्वसाधारणलाई दुःख दिएको बताए ।

उनले डिएसपी रिजालले आफ्नो हठ नत्यागे यहाँका आम जनता सशक्त हुने चेतावनी समेत दिए ।