सिरहामा कटुवा पेस्तोल सहित २  युवक पक्राउ

न्यूज ब्यूरो, सिरहा । जिल्ला प्रहरी कार्यालय सिरहाले दुई युवकलाई गैरकानुनी पेस्तोलसहित पक्राउ गरेको छ ।

सिरहाको गोलबजार नगरपालिका वडा नम्बर ११ बलकवास्थित मैनाबति खोलामा लागेको भब्री मेलाबाट उनीहरुलाई पक्राउ गरेको हो । मेलाको क्रममा झै झगडा गरिरहेको अवस्थामा ईलाका प्रहरी कार्यालय गोलबजारका प्रहरी नायब नीरिक्षक श्याम बाबु यादवको नेतृत्वमा गएको प्रहरी टोलीले चेकजाँचको क्रममा उनीहरुको साथबाट कटुवा पेस्तोल बरामद गरेको हो ।

सोमबार दिउँसो करिब २ः३० बजेको समयमा यादव नेतृत्वको प्रहरी टोलीले जिल्ला सिरहा गोलबजार नगरपालिका वडा नम्बर १२ बेतौना बस्ने अन्दाजी बर्ष १९ को प्रमोद ठाकुर र बर्ष १९ को बिष्णु कुमार महतोलाई भाग्दै गरेको अवस्थामा नियन्त्रणमा लिई चेकजाँच गर्दा प्रमोद ठाकुरको साथबाट कटुवा पेस्तोल बरामद भएको जनाइएको छ ।

बिष्णु कुमार महतोको साथबाट फलामको नक फेला पारेकोले कटुवा पेस्तोल र फलामको नक सहित निजहरूलाई नियन्त्रणमा लिई इलाका प्रहरी कार्यालय गोलबजार सिरहाबाट हातहतियार सम्बन्धी कसुरमा सम्मानित सिरहा जिल्ला अदालतबाट म्याद थप भई अनुसन्धान कार्य भईरहेको जनाएको छ ।