समाचार संकलन गर्न पुगेकी पत्रकार झामाथि प्रहरीले गरे दुव्र्यवहार

न्यूज ब्यूरो, जनकपुरधाम । धनुषाको धनुषाधाम नगरपालिका–१ मा वडाध्यक्ष पदका लागि भइरहेको उप–निर्वाचनको समाचार संकलन गर्न पुगेकी पत्रकारलाई प्रहरीले दुव्र्यवहार गरेको छ । आईतवार धनुषाधाम नगरपालिका–१ स्थित ठाकुर प्रसाद स्मिृति भवन मतदान स्थलमा समाचार संकलनका लागि पुगेकी पत्रकार चाँन्दनी झालाई प्रहरीले दुव्र्यवहार गरेको हो ।

प्राइम टेलिभिजनमा कार्यरत पत्रकार झा समाचर सम्प्रेशषणका लागि मतदान स्थलमा प्रवेश गर्न खोज्दा प्रहरी नायब निरीक्षक (सई) अशोक झाले मूलद्धारमै रोकेर उनलाई दुव्र्यवहार गरेका छन् ।

‘आफू सहकर्मीसहित टिभी टुडेको लागि समचार संकलन गर्न मतदान स्थलमा पुगेका थियौं, पत्रकार झाले भनिन् ‘मतदानस्थल भित्र प्रवेश गर्न खोज्दा गेटमा खटिएका प्रहरीले परिचयपत्र देखाउन भन्यो, मैले आफ्नो परिचयपत्र देखाएर भित्र जानै लाग्दा सई अशोक आएर मलाई बाहिर निकाल्न प्रहरीलाई निर्देशन दिँदै हप्काउन थाले ।’

मतदानस्थलमा पत्रकारलाई प्रवेश निषेध गरिएको हो प्रश्न गर्दा त्यो कुरा निर्वाचन अधिकृतलाई सोधनुस् भनेर प्रहरी झाले गैरजिम्मेवारी जवाफ मात्रै दिएन आफूसँग विवादनै गर्न खाजेको पत्रकार चाँन्दनीले गुनोसो गरिन् ।

जिल्ला प्रहरी कार्यालय धनुषामा कार्यरत सई झा उप—निर्वाचनमा खटिएका थिए ।

मतदान स्थल अवलोकन गर्न समाचार प्रयोजनका लागि पत्रकारलाई फोटो लिन रोक नलगाएको सहायक निर्वााचन अधिकृत प्रतिक्षा चौधरीले बताइन् । उनले भनिन् ‘ हामीले मतदाताको गोप्यनियतामा खलल नपुगने गरी समचार संकलन गर्न कुनै पत्रकारलाई अरोध गरेको छैनौं ।’

प्रहरीले पत्रकारलाई प्रवेश गर्न दिएको प्रश्नमा उनले भनिनु ‘ हामीलाई त्यो कुरा जानकारी भएन र कुनै पत्रकारले हामीलाई मतदानस्थलमा प्रवेश गर्न नदिएको गुनासो पनि गरेको छैन् । तर पनि यो विषयमा हामी बुझछौं ।’