न्यूज ब्यूरो, जनकपुरधाम । स्वरकी धनी एवम् स्वर कोकिला भनेर प्रसिद्धि कमाएकी गायिका शारदा सिन्हाको छठ पर्वमै स्वर्गवास भएकी छन् ।
भारत सरकारको पदमश्री अवार्डबाट सम्मानित मैथिली, भोजपुरी लोक गायिका शारदा सिन्हाले छठमै प्राण त्यागेकी हुन् । केही दिन अघि मात्र उनको श्रीमानको मृत्यू भएपछि स्वास्थ्य अवस्था गम्भिर भएकी शारदाको गएराती भारतको राजधानी दिल्लीस्थित एम्स अस्पतालमा निधन भएको हो ।
आफ्नो मधुर र जादुमयी आवाजले छठ पर्वको आभाष दिलाउने स्वर कोकिलाको छठ पर्वमै मृत्यू भएपछि उनका शुभचिन्तकमा निराशा छाएको छ ।
शारदा सिन्हाका छोरा अँशुमन सिन्हाले एक पोष्ट शेयर गर्दै उनको निधनको पुष्टि गरेका छन् । उनको इन्टाग्राम अकाउण्टमा फोटो पोष्ट गर्दै लेखेका छन्,–“तपाईहरुको प्रार्थना सदैव आमासँग रहनेछन्, माता छठी मैयाँले उहाँले आफ्नो साथ बोलाई सक्नुभयो, आमा अब शारिरिक रुपमा हामीबीच रहनुभएन ।”
शारदा सिन्हाको पार्थिव शरिर आजै दिल्लीबाट पटना ल्याउने तयारी भईरहेको छ । गायक गायिकाहरुसमेत श्रद्धाञ्जली दिन आउने भएको छ ।
लोक गायिकाको निधनप्रति भारतीय प्रधानमन्त्री नरेन्द्र मोदी समेत शोक व्यक्त गरेका छन् ।
सोमबार उनको स्वास्थ्यमा असर भएपछि उनलाई दिल्लीस्थित एम्समा भर्ना गरिएको थियो । उनलाई बिहार कोकिला भनेर समेत चिनिएको हो । श्रीमानको मृत्यूपछि शोकमा डुबेकी शारदा सिन्हालाई शोककै कारण स्वास्थ्य बिग्रेको बताईन्छ ।
उनले मैथिली, भोजपुरीसहित बलिवुडमा समेत आफ्नो स्वर दिएकी थिइन् । जसको आवाजको बिना छठ र बिवाह व्रतबन्ध अधुरोध खल्लो हुन्छ उनले छठ पर्वमै प्राण त्यागेकी हुन् ।
जसपाका जिल्ला अध्यक्ष अहिले बच्चा छ, बलियो र कमजोर आउने समयले तय गर्नेछः नेता झा
- २०८१ कार्तिक २१ बुधबार
न्यूज ब्यूरो्, जनकपुरधाम । नेपाल कम्यूनिष्ट पार्टी एकिकृत समाजवादी पार्टी (नेकपा एस) का नेता रामचन्द्र झाले जनता समाजवादी पार्टीका जिल्ला अध्यक्ष पशुपति यादवलाई राजनीतिमा बच्चाको सँज्ञा दिएका छन् । आईतबार जसपा
पूरा पढ्नुहोस्.jpeg)
.jpeg)
