साना किसान कृषि सहकारी सँस्था धनुषा गोविन्दपुरको २० औँ साधारणसभा सम्पन्न, बचतकर्ता बढदै

न्यूज ब्यूरो, जनकपुरधाम । धनुषाको धनुषाधामस्थित रहेको साना किसान कृषि सहकारी सँस्था लिमिटेडको २० औँ साधारणसभा सम्पन्न भएको छ ।

शनिबार एक समारोहबीच २०औँ साधारण सभा सम्पन्न भएको छ । साधारणसभाको क्रममा सहकारी सँस्थामा बचकर्ताको सँख्या बढदै गएको प्रतिवेदन पेश गरिएको छ ।

सँस्थाका सभापति प्रभु नारायण साहको अध्यक्षता तथा सबैला नगरपालिकाका मेयर कारिराम यादवकोे प्रमुख आतिथ्यमा २०औँ साधारणसभा सम्पन्न भएको हो ।

साधारणसभाको क्रममा लेखा समितिका सँयोजक अर्जुन प्रसाद सिँहले लेखा प्रतिवेदन पेश गरे भने प्रमुख प्रबन्धक राजकुमार साहले बार्षिय आय व्यय प्रतिवेदन पेश गरेका थिए ।

धनुषाधाम नगरपालिका वडा नम्बर २ मँगलपुरस्थित एक समारोहको आयोजना गरी साधारणसभा सम्पन्न गरिएको हो ।

कार्यक्रममा विशिष्ट अतिथिको रुपमा मिथिलाबिहारी नगरपालिकाका मेयर राजेन्द्र प्रसाद यादव, उपमेयर शोभा देवी साह, साना किसान विकास बैँक बर्दिवासका शाखा प्रबन्धक युवराज गैरेको विशेष उपस्थिति रहेको थियो ।