कमला नगरपालिकामा सडक पेटी खाली गर्न पटक-पटक मेयरको सूचना, अझै टेर्दैन गाउँलेहरु

न्यूज ब्यूरो, जनकपुरधाम । धनुषाको कमला नगरपालिकाको विभिन्न वडामा सडक पेटी खाली गर्न पटक पटक सूचना गरिएपनि सर्वसाधारणहरुले टेर गर्दैनन् ।

कमला नगरपालिकाका नगर प्रमुख विशेश्वर यादवले पटक-पटक सडक पेटी खाली गर्न सूचना प्रवाह गरेपनि सर्वसाधारणहरुले टेर लगाउँदैनन् ।

नगरपालिकाले एउटा कागजमा लिखित सूचना जारी गरेपछि प्रभावकारी हुन सकेको छैनन् । कागजमा सूचना जारी गरी समाजिक सँजालमा राख्ने प्रचलनले सर्वसाधारण सूचनाबाट बँचित हुँदै आएको कारण पनि सडक पेटी अझै खाली हुन सकेको छैनन् ।

वडामा वस्तीस्तरमा माईकिँग गरी सूचना प्रवाह गर्दा प्रभावकारी हुने देखिएपनि नगरपालिकाले गर्न सकेको छैनन् । कागजमा प्रकाशित हुने सूचना सबैमा पहुँच नै नभएको कारण सडक पेटी खाली नभएको स्थानीयहरु बताउँछन् । सडक पेटी खाली गर्न लाउडस्पीकरको माध्यमबाट सूचना प्रवाह गरी समय दिनुपर्ने धारणा समाजिक सँजाल प्रयोगकर्ताहरुको छ ।

सूचना फेसबुकसम्म मात्र सिमित भएपछि पटक पटकको सूचना प्रभावकारी हुन सकेको छैनन् ।