राजदेवी मन्दिरभित्र सुरक्षा टाईट छ, चारैतर्फ सिसिटिभीको निगरानी छः सँयोजक शर्मा

न्यूज ब्यूरो, जनकपुरधाम । जनकपुरधामको प्रसिद्ध शक्तिपीठ राजदेवी मन्दिरमा सुरक्षा व्यवस्था कडा रहेको सुरक्षा समितिका सँयोजक रवि शर्माले बताएका छन् ।

आजदेखि राजदेवी मन्दिरमा भक्तजनहरुको अत्यधिक भीडभाडलाई मध्यनजर गर्दै मन्दिर परिसर र बाहिर समेत सुरक्षा कडा पारिएको सँयोजक शमाले दाबी गरे ।

उनले जिल्ला प्रशासन कार्यालय र जिल्ला प्रहरी कार्यालय धनुषाको समन्वयमा नेपाल प्रहरीसहितको सुरक्षा टोली समेत खटिएको जनाए । उनले प्रहरी सादा पोशाक र पोशाकमा समेत खटिएको जनाउँदै कमिटिको तर्फबाट समेत स्वयँसेवक खटिएको बताए ।

मन्दिर परिसर भित्र हुन सक्ने झै झगडा, उच्छृँगल गतिविधि, चोरी चकारी, लुटपाटलाई निगरानी गर्न चारै तर्फ कुना काप्चामा सिसिटिभी लगाइएको जानकारी दिए । यसको लागि प्रहरीको निगरानी समेत पढाइएको सँयोजक शर्माको दाबी छ ।

आजदेखि राजदेवी मन्दिरमा साँझको समयमा भक्तजनहरुको भीड थामिनसक्ने भएपछि सुरक्षा व्यवस्था कडा पारिएको हो ।

सँयोजक शर्माले दर्शन पूजाको लागि मन्दिर आउँदा गर गहना नलगाएर आउन आग्रह गरे । उनले बहुमूल्य गहना नलगाएर मन्दिर घुमघामको लागि मात्र आउन आग्रह गरे । कडा सुरक्षाबीच पनि विगतमा गहना लुटपाट, चोरीचकारी हुँदै आएकोले सतर्कता अपनाउन आग्रह गरे ।