जनकपुरधाम उद्योग वाणिज्य सँघको कोषाध्यक्षको लागि 'परमेश्वर साह' अझै बलिया

न्यूज ब्यूरो, जनकपुरधाम । जनकपुरधाम उद्योग वाणिज्य सँघको चुनावमा कोषाध्यक्ष पदको लागि परमेश्वर साह अझै बलिया उम्मेदवारको रुपमा खडा भएका छन् ।

एक कार्यकाल कोषाध्यक्षकै पद सम्हाल्दै आएका परमेश्वर साहले पुनः कोषाध्यक्षको लागि उम्मेदवारी दिएका छन् । उनले सँघको जिम्मेवारीलाई निष्ठापूर्वक निभाएको कारण यहाँका व्यापारीहरुले आफूलाई रुचाउने दाबी गरेका छन् ।

जनकपुरधाम उद्योग वाणिज्य संघका सदस्य हुँदै एक कार्यकाल कोषाध्यक्षको अनुभव सङ्गालेका उनी फेरि कोषाध्यक्ष भएर सफल कार्यकाल चलाउने योजनामा छन् । जनकपुरधामको बजारमा कमजोर बन्दै गएको व्यापार र व्यवसायीक चहलपहललाई पुर्नजीवन दिने उनले बताए ।

जनकपुरधामको पुरानो आकर्षणलाई पुनः त्यही अवस्थामा ल्याउन नयाँ व्यवसायीक योजना, नीतिको आवश्यकता परेको साहको बुझाई छ । परम्परागत व्यापार व्यवसायमा आधुनिकता भरेर जनकपुरधामलाई ब्यापारिक पर्यटकीय शहरको रुपमा विकास गर्ने उनको योजना छ । कोषाध्यक्षका उम्मेदवार साहले उद्योगी, व्यवसायीले भोग्दै आएका समस्या र चुनौतीलाई समाधान गर्न नेतृत्वदायी भूमिका निभाउने बताएका छन्।

जनकपुरधामका उद्योगी व्यापारीहरू साहको उम्मेदवारीलाई स्वागत गर्दै, उनको नेतृत्वमा व्यवसायीक विकासको अपेक्षा गरेका छन्।

कोषाध्यक्षकै लागि मनोज कुमार शर्मा, राकेश साह र रामचन्द्र पँजीयार (करण) ले समेत उम्मेदवारी दिएका छन् । उनीहरुको पक्षमा समेत व्यापारीहरुले मोर्चा बनाएको देखिएको छ ।

आगामी भदौ २९ गते जनकपुरधाम उद्योग वाणिज्य सँघको चुनाव हुने भएको छ ।