धनुषामा गृहमन्त्री आउने भएपछि सशस्त्र प्रहरीको सक्रियता, लाखौँको अवैद्य समान बरामद

न्यूज ब्यूरो, जनकपुरधाम । नेपाल सरकारको गृहमन्त्री रमेश लेखक धनुषा आउने भएपछि सशस्त्र प्रहरी बलले सक्रियता देखाएको छ ।

गृहमन्त्री धनुषा आउने भएपछि सशस्त्र प्रहरी बलले धनुषाको विभिन्न नाकाबाट लाखौँको समान बरामद गरेको हो । धनुषाको विभिन्न नाकाहरुमा खुल्ला सीमाको फाईदा उठाउँदै भारतबाट अवैद्य रुपमा भन्सार छली गरी नेपाल ल्याएका समानहरु बरामद गरेको हो ।

विशेष सूचनाको आधारमा सशस्त्र प्रहरी बल, नेपाल नम्बर ८ गण हेडक्वाटर धनुषा र मातहत बेश तथा विभिन्न बिओपीहरुबाट खटि गएको टोलीले १९ लाख मूल्य बराबरको लत्ताकपडा, किरानका समानहरु बरामद गरेको हो ।

सो क्रममा एक वटा अटोसहित मोटरसाईकल र समान समेत बरामद गरेको हो । बरामद गरिएका समानहरु भन्सार कार्यालय जनकपुरमा बुझाईएको सशस्त्र प्रहरी बल धनुषाका एसपी दर्शन गिरीले जानकारी दिए ।