ट्रयाक्टरसहित सशस्त्र प्रहरी धनुषाले समाते हजारौँको काठ

न्यूज ब्यूरो, जनकपुरधाम । सशस्त्र प्रहरी बल धनुषाले हजारौँ मूल्य बराबरको अवैद्य काठ बरामद गरेको छ ।

सशस्त्र प्रहरी बल धनुषाले ढल्केवर–जनकपुरधाम सडकखण्डबाट हजारौँ मूल्य बराबरको काठ बरामद गरेको हो । सशस्त्र प्रहरी बल नेपाल नं. ८ गणका एसपी दर्शन गिरीले गोप्य सूचना पाएसँगै पठाएको सशस्त्रको टोलीले ट्राक्टरसहित काठको गोलिया बरामद गरेको जानकारी दिए ।

विशेष सूचनाको आधारमा ज १ त ८१५७ नम्बरको ट्याक्टरमा लोड गरी ढल्केबरबाट जनकपुरतर्फ ल्याउँदै गरेको अवस्थामा ट्याक्टर र विभिन्न जातका काठका गोलियाहरू पक्राउ गरि नियन्त्रणमा लिएर आवश्यक कारवाहीको लागि डिभिजन वन कर्यालय धनुषामा बुझाईएको एसपी गिरीले जानकारी दिए ।