जसपा नेपालको कमला नगर अध्यक्ष यादवले दिए पदबाट राजिनामा

न्यूज ब्यूरो, धनुषा । उपेन्द्र यादव नेतृत्वको जनता समाजवादी पार्टी (जसपा) नेपालको कमला नगर अध्यक्षले पदबाट राजिनामा दिएको घोषणा गरेका छन् ।

पूर्वी धनुषाको कमला नगरपालिकामा जसपा नेपालको नगर अध्यक्षको जिम्मेवारी सम्हाल्दै आएका धनेश्वर यादवले नगर अध्यक्षको पदबाट राजिनामा गरेको जनाएको छ ।

कमला नगरपालिका वडा नं. २ का पूर्व वडाध्यक्ष समेत रहेका यादवले आफ्नो अधिकारिक फेसबुकमा एक वक्तत्व लेख्दै नगर अध्यक्षको जिम्मेवारी त्याग गरेको उल्लेख गरेका छन् । उनले नगर अध्यक्षको पदबाट राजिनामा गरेपनि आगामी दिनमा पार्टीको साधारण सदस्य भई इमान्दारीपूर्वक काम गर्ने जनाएको छ ।

उनले नगर अध्यक्ष पदबाट किन र केको लागि राजीनामा दिएको भन्नेबारे उल्लेख गरेको छैनन् । जानकारी अनुसार, यादवलाई पार्टीले स्थान नदिएकै कारण पनि राजीनामा दिएको हुन सक्ने बताइएको छ । यद्यपी यसको पुष्टि भने गरिएको छैनन् ।