हँसपुर नगरपालिकामा ४ बर्ष सेवा गरेका लेखापाल लुङ्गेलिलाई विदाई, लेखापाल दासलाई स्वागत

न्यूज ब्यूरो, जनकपुरधाम । धनुषाको हँसपुर नगरपालिकाका लेखापाल नेत्र लुङ्गेलिलाई विदाई गरिएको छ ।

बुधबार दिउँसो एक कार्यक्रमबीच हँसपुर नगरपालिकाका मेयर प्रदीप कुमार यादव, प्रमुख प्रशासकीय अधिकृत सुबोध कुमार ठाकुरले उनलाई बिदाई गरेको हो । ४ बर्षसम्म निरन्तर हँसपुरमा सेवा प्रदान गरेका लुङ्गेलिलाई उनको कार्य सम्पादन, कार्यदक्षता र जनता तथा जनप्रतिनीधीसँगको व्यवहारको प्रशँसा गरिएको थियो ।

उच्च पदस्थ कर्मचारीहरुसँगको व्यवहार, कनिष्ठ कर्मचारीहरुसँगको सुमधुर व्यवहारप्रति उनको प्रशँसा गरिएको थियो । प्रमुख प्रशासकीय अधिकृत ठाकुरले लुङ्गेलिलाई विदाई गर्दै नयाँ लेखापाल प्रकाश चन्द्र दासलाई स्वागत समेत गरे ।

अधिकृत ठाकुरले दुवै जनालाई नयाँ कार्यकाल र नयाँ स्थानको लागि शुभकामना दिए ।