जनकपुरका जीतेन्द्र यादवलाई 'एक्जिटो एक्सेलेन्स अवार्ड'

न्यूज ब्यूरो, जनकपुरधाम । विगत लामो समयदेखि देशको आईटी क्षेत्र मार्फत योग्दान दिएको भन्दै धनुषाका जीतेन्द्र यादवलाई एक्जिटो एक्सेलेन्स अवार्ड प्रदान गरिएको छ ।

यात्रा प्लस र एक्जिटो इभेन्टले आइतबार काठमाडौंमा आयोजना गरेको एक समारोहबीच ललितपुरको बालकुमारीस्थित रहेको “तरेगन आईटी, ई होस्टीँग सर्भरका फाउण्डर यादवलाई ‘एक्जिटो एक्सेलेन्स अवार्ड २०२४’ प्रदान गरिएको हो ।

धनुषाको कमला नगरपालिका वडा नम्बर २ स्थायी निवासी रहेका यादव विगत लामो समयदेखि काठमान्डौँमा आईटी क्षेत्रमा सेवा प्रदान गर्दै आएका छन् । होस्टीँग सेवा, वेभ पोर्टल लगायत आईटी क्षेत्रमा योग्दान दिएको भन्दै सँस्थागत रुपमा उनलाई सम्मान गरिएको हो ।

प्रतिनिधिसभा उपसभामुख इन्दिरा राना मगरको प्रमुख आतिथ्य तथा रमेश कुमार सिलवाल लगायतका विशेष अतिथिहरुले यादवलाई सम्मान पत्र दिँदै सम्मान गरेको हो ।

आयोजित समारोहमा अन्य विभिन्न क्षेत्रका व्यक्तिहरुलाई सम्मान गरिएको हो । उद्योग, सिने जगत, शिक्षा, स्वास्थ्य, मनोरञ्जनात्मक क्षेत्रसहितका व्यक्तिहरुलाई सम्मान गरिएको थियो ।