पत्रकार यादव मृत्यू प्रकरणमा धनुषा प्रहरीले जाहेरी दर्ता नगरे आन्दोलन हुन्छः जनमत सचिव साह

न्यूज ब्यूरो, जनकपुरधाम । डा. सिके राउत नेतृत्वको जनमत पार्टीका सचिव विपी साहले न्यूजब्यूरोका पत्रकार विनय कुमार यादवको मृत्यू प्रकरणमा छानबिनको माग गरेका छन ।

धनुषाको धनुषाधाम नगरपालिका वडा नम्बर ५ नौसय विगहास्थित स्वर्गीय पत्रकार यादबको निवासमा परिवारजनसँग भेटघाट गर्दै सचिव साहले धनुषा प्रहरीको कार्य सम्पादनप्रति खेद प्रकट गर्दै यथाशिघ्र जाहेरी दर्ता गर्नुपर्ने माग राखे ।

पत्रकार यादवको मृत्यू संकास्पद रहेको भन्दै छानबिनका लागि परिवारजनले जिल्ला प्रहरी कार्यालय धनुषामा कर्तव्य ज्यानको जाहेरी दिएपनि प्रहरीले हालसम्म उक्त जाहेरी दर्ता नगरेकोप्रति शंका जाहेर गर्दै राजनीतिक दलको दबाबमा घटना दबाउन खोजिए कडा आन्दोलनको तयारी हुने बताए। उनले जाहेरी दर्ता गरी घटनाको निष्पक्ष छानविन तथा दोषीमाथि कारबाहीका लागि जनमत पार्टीको तर्फबाट आग्रह गरे ।