मधेश प्रदेश स्वास्थ्य मन्त्री सिँहको स्वकीय सचिवमा कुशवाहा

न्यूज ब्यूरो, जनकपुरधाम । मधेश प्रदेश सरकारका स्वास्थ्य तथा जनसँख्यामन्त्री सत्रुधन प्रसाद सिँहको स्वकीय सचिवमा रोशन सिँह कुशवाहा नियुक्त भएका छन् ।

यसअघि गृहमन्त्री भएको बेला समेत विश्वासको पात्र मानिएका कुशवाहा स्वकीय सचिवमा नियुक्त भएका थिए । बीचमा भएको सरकार ब्रेकपछि पुनः बनेको नयाँ मन्त्रीमण्डलमा स्वास्थ्यमन्त्री बनेपछि रोशन सिँह कुशवाहाले स्वकीय सचिवको जिम्मेवारी पाएका हुन् ।

मन्त्री सिँहको विश्वासको पात्र भनिएका कुशवाहाले स्वकीय सचिवको जिम्मेवारी कुशल पूर्वक निर्वाह गरेको ध्यानमा राख्दै उनलाई पुनः स्वकीय सचिवको जिम्मेवारी दिइएको हो ।

मन्त्री सिँहको प्रशासन सहायक प्रथम श्रेणी सरह नियुक्ती दिइएको नियुक्ती पत्रमा उल्लेख छ ।

यस्तै, दोस्रो स्वकीय सचिवमा सतिश सिँहलाई नियुक्त गरिएको हो । उनलाई स्वकीय अधिकृत तेस्रो श्रेणीमा नियुक्त गरिएको हो ।