जनकपुर पब्लिक स्कूलले मनायो १५ औँ वार्षिकोत्सव, गायक कमल खत्रीले झुमाए अभिभावक

न्यूज ब्यूरो, जनकपुरधाम । जनकपुर पब्लिक स्कूलले आफ्नो १५ औँ वार्षिकोत्सवको अवसरमा विद्यार्थीहरुलाई पुरस्कार वितरण गरेको छ ।

शुक्रबार एक समारोहको आयोजना गरी स्कूलले विभिन्न विद्यामा उत्कृष्ट गरेका विद्यार्थीहरुलाई पुरस्कार वितरण गरेको हो । विद्यालयले वार्षिकोत्सवको अवसर पारेर नृत्य, गायनसहित अन्य विद्यामा प्रतियोगिता गराउँदै उत्कृष्ट गर्नेहरुलाई पुरस्कार वितरण गरेको हो ।

अभिभावकहरुलाई विशेष आमन्त्रण गरी अभिभावक बैठक समेत राख्दै विद्यालयले चर्चित गायक कमल खत्रीको प्रस्तुति समेत दिएको थियो । गायक कमल खत्रीले उपस्थित अभिभावकहरुलाई झुमाएका थिए ।