कार्य सम्पादनमा जनकनन्दिनी गाउँपालिका जिल्लामै सबभन्दा अगाडी, मधेश प्रदेशमै दोस्रो

न्यूज ब्यूरो, जनकपुरधाम । पूर्वी धनुषाको जनकनन्दिनी गाउँपालिका कार्य सम्पादनको आधारमा गरिने मूल्याँकनमा मधेश प्रदेशमा दोस्रो भएका छन् भने धनुषा जिल्लामै प्रथम स्थान ल्याउन सफल भएको छ ।

संघीय मामिला तथा समान्य प्रशासन मन्त्रालयले स्थानीय तहहरुलाई गर्ने स्थानीय तह वित्तीय सुशासन जोखिम मूल्याङ्कनको क्रममा जनकनन्दिनी गाउँपालिकाले ७९ अँक प्राप्त गरी प्रथम स्थान ल्याएको हो । कार्य सम्पादनसहित अन्य विभिन्न क्षेत्रलाई समेटेर मन्त्रालयलले गर्ने मूल्याँकन तहत नतिजा अनुसार जनकनन्दिनी गाउँपालिका आफ्नो पछिल्लो स्थान बरकरार राख्न सफल भएको हो ।

योजना, बजेट तथा कार्यक्रम व्यवस्थापन तर्फ गाउँपालिकाले १९.५ अँक पाएको हो । मधेश प्रदेशमै प्रथम भएको मिर्चैया नगरपालिकाले मात्र १९ अँक प्राप्त गर्दा जनकनन्दिनीले व्यवस्थापन तर्फ १९.५ अँक ल्याउन सफल भएको हो । यस्तै, गाउँपालिकाको कार्यन्वयन क्षमता समेत मधेश प्रदेशको अन्य स्थानीय तहमध्ये सबभन्दा उच्च रहेको छ । प्रथम ल्याएको मिर्चैयाले २५ अँक प्राप्त गरको छ भने जनकनन्दिनीले २५.५ अँक ल्याएको हो । कुल २९ मार्कमध्ये २५.५ ल्याएको हो ।

यस्तै लेखाँकन तथा प्रतिवेदनतर्फ १२ अँक प्राप्त गरेको छ भने अनुगमन, मूल्याँकन र लेखापरिक्षणमा दिइने कुल १६ अँकमध्ये जनकनन्दिनीले १०.५ अँक प्राप्त गरेको हो । राजस्व व्यवस्थापनतर्फ गाउँपालिकाले कुल १७ अँकमध्ये ११.५ अँक प्राप्त गरी धनुषा जिल्लामै प्रथम हुन सफल भएको हो ।

गाउँपालिकालाई समान्य प्रशासन मन्त्रालयले दिएको अँकमा प्रक्रियाको जोखिमतर्फ ७९.२५ प्रतिशत अग्रसर रहेको देखिएको छ । नतिजाको जोखिमतर्फ ६९.२३ प्रतिशत र वित्तीय अनुशासनको जोखिमको सीमा पार गरी ८२.३५ प्रतिशत साकारात्मक बनाउन सफल भएको हो । औसत भने कुल ७९ अँक प्राप्त गरेको हो ।