सरस्वति पूजामा राराब कलेजमा नृत्य प्रतियोगिताका विजेताहरुलाई सम्मान 

२०८० फाल्गुण ११ शुक्रबार
दिउसो ४:४० बजे
न्यूज ब्यूरो, डेस्क

न्यूज ब्यूरो, जनकपुरधाम । करिब डेढ दशकपछि जनकपुरको राराब कलेजमा मनाइएको विशेष सरस्वति पूजनको क्रममा गराईएको नृत्य प्रतियोगिताको बिजेताहरुलाई सम्मान वितरण गरिएको छ ।

गत फागुन २ गते परेको सरस्वति पूजाको अवसरमा राराब कलेजमा स्वतन्त्र विद्यार्थी यूनियनले आयोजना गरेको भव्य पूजाको साथै साँस्कृतिक कार्यक्रममा गराईएको नृत्य प्रतियोगिताका बिजेताहरुलाई एक कार्यक्रमबीच सम्मान गरिएको हो । 

स्वीयू राराबका अध्यक्ष मनिष कुमार यादवको अध्यक्षता एवम् क्याम्पस प्रमुख प्रदीप कुमार प्रसादको प्रमुख आतिथ्यमा एक समारोहको आयोजना गरी नृत्यतर्फ प्रथम भएकी श्रृष्टि कुमारी, द्धितिय भएकी सलोनी चौधरी र तृतिय स्थान ल्याएकी प्रिति मण्डललाई पुरस्कार एवम् सम्मान गरिएको हो । 

कलेजभित्रै बिहान आयोजना गरिएको समारोहबीच बिएससी सिएसआईटी तेस्रो सेमेष्टरमा अध्ययनरत श्रृष्टि कुमारीले रिमिक्समा नृत्य गरेकी थिईन् । नियुक्त गरिएको पाँच न्यायधिसमण्डलले उनीहरुको मार्किँग गरेको थियो । 

यस्तै, बिएड प्रथम बर्षमा अध्ययनरत सलोनी चौधरीले जले गीतमा नृत्य दर्साईन् । तृतिय स्थान ल्याएकी प्रिति मण्डलले भने राम आएगेँ तो अँगजना सजाएँगेमा नृत्य गरी दर्शकको मन लोभ्याईन् । तृतिय स्थान ल्याएपनि दर्शकले भने उनको गीत र नृत्यकलालाई मन पराईन भने जजहरुले समेत उनलाई सराहना गरे । यद्यपी उनी तृतिय स्थान ल्याईन् । 

प्रधानाध्यापक सँघका अध्यक्ष मुक्तिनाथ साहको विशिष्ट आतिथ्य एवम् नेपाल विद्यार्थी सँघका जिल्ला अध्यक्ष सुजित कुमार यादवको विशेष आतिथ्यमा आयोजित समारोहमा स्ववियूका पदाधिकारीहरुले प्रमाणपत्र वितरण गरेका थिए । 

स्वीयूका सचिव करण साहले विजेताहरुलाई प्रमाणपत्र वितरण गरे । बिजेताहरुलाई कलेजका प्रध्यापक बिनोदलाल कर्ण, नेविसंघका अध्यक्ष यादव, स्वीयूका अध्यक्ष मनिष यादव, सचिव करण साह लगायतले अतिथिहरुलाई सम्मान ग्रहण गराए ।

सयौँ विद्यार्थीहरु उपस्थित रहेको सो कार्यक्रममा स्वीयूका अध्यक्ष मनिष यादवले आगामी बर्ष झन भव्य तरिकाले पूजाआजा हुने प्रतिवद्धता जनाए । सोही क्रममा सचिव करण साहले भने साँस्कृति कार्यक्रमतर्फ विशुद्ध साँस्कृतिक गीतमा मात्र नृत्य गराउने गरी कार्यक्रम आयोजन हुने बताए । 

कार्यक्रममा स्वीयूका पदाधिकारीहरु, प्रत्यासी अजय कुमार पण्डितलगायत कलेजका विद्यार्थीहरुको मोटो उपस्थिति रहेको थियो । 

  • 0%
  • 0%
  • 0%
  • 0%
  • 0%
  • 0%

  • २०८० फाल्गुण ११ शुक्रबार

Bureau Menus