महोत्तरीमा ट्याक्टर दुर्घटनामा परी एकको मृत्यु

कोमल कर्ण |
महोत्तरी, २५ जेठ । महोत्तरीमा ट्याक्टर दुर्घटनामा परी एक जनाको मृत्यू भएको छ ।

औरही नगरपालिका वडा नं. ३ श्रीपुर स्थित जंघा खोलामा शुक्रवार विहान ज १ त ५५५६ नं. को ट्याक्टरमा वालुवा लोड गरि चढ्ने वेला खुटटा चिप्लिएर टेलारीमा टाउको किचिएर मृत्यु भएको प्रारम्भिक जाँचवुझमा थाहा भएको प्रहरीले जनाएको छ ।

मृतक सोहि वडा वस्ने रामचन्द्र रामको १८ वर्षिय छोरा सन्तोष राम हुन । यता ट्याक्टर प्रहरीले नियन्त्रणमा लिएपनि चालक भने फरार भएको ईलाका प्रहरी कार्यालय गौशालाका ईन्चार्ज प्रहरी निरिक्षक भोला भटटले जनाए ।

उनले लास जलेश्वर अस्पताल पोष्टमार्टमको लागि पठाउने तयारी भैरहेको थपे ।