भ्यालेन्टाईनडे मनाउन गएकी बालिकालाई साथीको डेरामा लगेर प्रेमीले गरे बलात्कार, प्रेमी पक्राउ

न्यूज ब्यूरो, सिरहा । सरस्वति पूजाको दिन भ्यालेन्टाइन डे मनाउन गएकी एक बालिकालाई उनका प्रेमीले बलात्कार गरेको घटना बाहिरिएको छ ।

बुधबार घरबाट सरस्वति पूजा भन्दै भ्यालेन्टाइन डे मनाउन प्रेमीसँग निस्केकी बालिका (सिरहा–१६ भनेर नाम परिवर्तन) लाई सिरहाको लहानस्थित साथीको डेरामा लगेर बलात्कार गरेको बताईएको छ ।

बुधबार दिउँसो घरबाट निस्केकी सिरहा–१६ लाई उनका प्रेमीले लहानको साथीको डेरामा बलात्कार गरेको प्रारम्भिक बयान दर्ज गरिएको हो ।

सिरहाको बरियारपट्टि गाउँपालिका बस्ने बालिकालाई सिरहाको सुखिपुर नगरपालिका वडा नं. २ बस्ने एक युवकले बलात्कार गरेको जनाईएको छ । सोही आरोपमा एक युवक पक्राउ परेका छन् । उनको नाम भने अहिले सार्वजनिक गरिएको छैनन् ।

निकेश यादव, बलात्कार आरोपी

बालिका रक्ताम्य अवस्थामा डेरामामै अचेत देखिएपछि एक अभियन्तालाई खवर गरिएको थियो ।

घरबाट बालिकासँग सम्पर्क गर्दा प्रेमीले फोन उठाएको बताईएको छ । ती युवकले बालिकाको दाईलाई घर पठाइदिन्छु भन्दै अबेर साँझसम्म नपठाएपछि पुनः फोन गर्दा उनले फोन स्वीच अफ गरेका थिए ।

अबेर राती बालिकालाई बरियारपट्टि ४ र सुखिपुर नगरपालिका २ को बीचमा एक्लै छाडेर दुई साथीले मोटरसाईकलमा फरार भएका थिए । त्यहाँबाट बालिकालाई उद्धार गरी अस्पताल भर्ना गराईएको थियो ।