धनुषाको नगराईन नगरपालिकामा भोली सार्वजनिक विदा 

न्यूज ब्यूरो, जनकपुरधाम । सीमा तस्करीलाई नियमन गर्ने निकायकै प्रहरीले तस्कारको गोदामसम्म अवैद्य समान पुरयाउने गरेको भन्दा पत्यार नलाग्ला तर धनुषाका एक प्रहरी हबल्दारले तस्करको घरसम्म समान पुरयाउने जिम्मा उठाएका छन् । 

धनुषाको धनौजी गाउँपालिकाको प्रहरी चौकी भडरियाका बरिष्ठ प्रहरी हबल्दार सँतोष पाण्डेले धनुषाका नामुद तस्कर मानिएका सुरेश साहलाई तारापट्टिसम्म गाडी स्कटीँग गरी समान पुरयाउन मदत गर्ने गरेका छन् । 

केही महिना अगाडी मात्र भडरिया चौकीमा डयुटी लिएका प्रहरी बरिष्ठ हबल्दार घुमुवाको काम समेत गर्दै आएका छन् । पाण्डेले सुरेश साहसँग मिलेर अन्य तस्करहरुसहित मध्यम व्यापारीहरुको दाल, चिनी, तुथपेष्ट, कुरकुर, चामल, आलु, प्याज, हार्डवेयरका समानहरु समेत पास गराउने गरेका छन् । 

देशमा आर्थिक सँकट चलिरहेको बेला भारतबाट ल्याउने लाखौँको समान धनौजी नाका, बैदेही नाकाबाट प्रहरी बरिष्ठ हबल्दार पाण्डेले बिडा उठाएका छन् । तस्कर सुरेश साहको लाखौँको समान पाण्डेले भित्र धनुषासम्म स्कटिँग गरी छाडने गरेको नाम नखोल्ने शर्तमा एक स्थानीयले बताए । सुरेश साह दैनिक दुई पटकसम्म पिकअपमा समान ओसार्ने गरेको खुलाईएको छ । 

नेपालको सीमासँगै रहेको भारतको बिहार राज्यमा रक्सी प्रतिबन्ध भएको बेला सुरेश साहले पाण्डेको मार्फतबाट नै बिहारमा ब्रिक्स, उमँग, कस्तुरी ब्राण्डका रक्सी पुरयाउने गरेका छन् । खुल्ला रक्सीको जर्किन समेत पाण्डेले एक बिहारी एजेन्टलाई पुरयाउने गरेका छन् । रक्सी पक्राउ गरिएको भनेर स्थानीयलाई झाँसा दिएर सोही रक्सी भारत पठाउन घुमुवा पाण्डेले तस्करकै भूमिका निर्वाह गर्दै आएका छन् । 

बिहारको खौना नाकाबाट सुरेश साहले बैदेही औरही हुँदै लत्ताकपडा र इलेक्ट्रोनिक्स सामानहरु र डिजल र पेट्रोलको व्यापक तस्करी गर्ने गरेको छ । यताबाट साहले रक्सी, स्याउलगायतका सरसमान भारत पठाउने गरिएको छ र उनलाई प्रहरी बरिष्ठ हबल्दार रहेका कथित घुमुवा सँतोष पाण्डेले सहयोग गर्ने गरेका छन् । 

धनुषाको मिथिलाबिहारी नगरपालिकाको तारापट्टि बजारसम्म जाने स्याउ भारतबाट तस्करी गरी सुरेश साह ल्याउने गरेका छन् । भारतको स्याउ तारापट्टि, धनुषाधाम लगायत जनकपुरको समेत विभिन्न पसलमा तस्कर सुरेश साहले समान पठाउने गरेका छन् । 

को हुन तस्कर सुरेश साह र घुमुवा सँतोष पाण्डे ?
करिब एक दशक आगाडि काठको झोपडीबाट बिँडी, खैनी तथा चकलेटका ब्यापार सुरु गरेका धनुषा तारापटिका सुरेश साह अहिले तस्करहरुको बादशाहका रुपमा चिनिन्छ । ब्यापार शुरु गरेका केही वर्ष पछि साह सानो तिनो परिमाणमा भारत नेपाल तेल, चिनी, चप्पल, पाउडर दुध लगायतका मालसमान ढुवानी गर्थे ।

सानोबाट कारोबार गर्दै जाँदा कयौंपटक माल सामान पक्राउ पनि परेको थियो । विस्तारै प्रहरी संगठनमा नजिकको मान्छे भएका कारण प्रहरीसंग सेटिङ मिलाउन तथा कारोबार बढाउन उनलाई अप्ठयारो भएन । तैपनि बेलाबेलामा मालसामान पक्राउ परेपछि धेरै आर्थिक क्षति बेहोर्नु परेको थियो ।

केही वर्ष यता भन्सार प्रमुखसंग मिलेर तस्करीसंगै अर्को धन्दा सुरु पनि गरेको थियो । भन्सार प्रमुखले बिभिन्न फर्मको नाममा भन्सारबाट हुने सबै लिलामीका मालसमान तस्कर साहलाई मात्र दिने गरेको थियो । समय बदलिएसँगै हाल सुरेशको सम्बन्ध भन्सार प्रमुखसंग त्यति राम्रो नभएपछि हाल पुरानै पेशा तस्करी नै रोजेको छ ।

यता, प्रहरी चौकी ठाढी झिझामा कार्यरत हुँदा महिनाथपुर नाका र दुहबी नाकामा तस्करलाई सहयोग गर्दै आएका पाण्डे अहिले धनौजी र बैदेही नाकामा तस्करलाई सहयोग गराउँदै आएका छन् । महिनाथपुरबाट भडरिया शिफ्ट भएका पाण्डेले इटहर्बा नाकासम्म तस्कर सुरेश साहलाई सघाउन जाने गरेका छन् । तस्कर सुरेश साह धनुषाका नामुद तस्करमध्ये एक हुन् ।