राष्ट्रियसभाका उम्मेदवार नेता ढुँगाना विरुद्ध गलत प्रचारवाजी गरियोः नेतृ यादव

न्यूज ब्यूरो, जनकपुरधाम । नेपाली काँग्रेसकी केन्द्रीय सदस्य एवम् प्रतिनीधि सभा सदस्य नागिना यादवले काँग्रेसका नेता आनन्द प्रसाद ढुँगानामाथि लगाईएको आरोपलाई निराधार बताएकी छन् ।

साँसद यादवले एक प्रेस विज्ञप्ति जारी गर्दै राष्ट्रिय सभाका उम्मेदवार आनन्द ढुँगानामाथि लगाईएको आरोप कपोकल्पित र भ्रामक रहेको बताएकी छन् । उनले आफ्नो नाम जोडेर आफ्नो श्रद्धेय नेतासँग समाजिक सँजालसहित केही मिडियाहरुमा आएको तथ्य सरासर गलत रहेको भन्दै खण्डन गरेकी छन् ।

मधेश प्रदेशबाट नेपाली काँग्रेसका राष्ट्रिय सभाका उम्मेदवार ढुँगानामाथि गरिएको विभिन्न टिकाटिप्पणी कपोकल्पित एवम् षडयन्त्र रहेको बताएकी हुन् ।

आफ्नो नाम जोडेर आफ्ना आदरणीय नेतामाथि लगाईएको गलत आरोपको खण्डन गरेको उनले उल्लेख गरेकी हुन् । उनले विभिन्न मिडियामा आएको कपोकल्पित समाचार र तथ्यहरुलाई खारेज गरेको उल्लेख गरेकी हुन् ।