जनकपुरमा विद्यार्थीहरुलाई सार्वजनिक बसमा ४५ प्रतिशत छुट गर्न जनकपुर सोशल फोर्सको माग

न्यूज ब्यूरो, जनकपुरधाम । ग्रामिण भेकबाट आउने विद्यार्थीहरुलाई जनकपुरमा असहज भएको भन्दै जनकपुर सोशल फोर्सले ४५ प्रतिशत छुटको व्यवस्था लागू गर्न दबाब दिएका छन् ।

फोर्सले विहिबार एक प्रेस विज्ञप्ति जारी गर्दै जनकपुर जस्तो महँगो क्षेत्रमा समेत विद्यार्थीहरुलाई आवतजावतको लागि समस्या भईरहँदा सार्वजनिक यातायातमा ४५ प्रतिशत छुट दिन माग गरेको छ ।

जनकपुर बस व्यावसायी संघलाई ज्ञापन पत्र बुझाउँदै जनकपुर सोशल फोर्सले देशको विभिन्न कुनामा वर्तमान वातावरणमा पढन सक्ने वातावरण नभएको अवस्थामा कलेज, स्कुल क्षेत्रमा विद्यार्थीहरुको पहुँच सहज बनाउनको लागि सार्वजनिक यातायातमा ४५ प्रतिशत छुटको व्यवस्था गर्न माग गरेको हो ।

जनकपुरसहित जनकपुरबाहिर समेत विद्यार्थीको कार्डमा ४५ प्रतिशत छुट दिन माग गरेको हो । जनकपुरमा बस्न सक्ने हैसियत नभएका विद्यार्थीहरुले गाउँबाटै सार्वजनिक यातायात चढी पढन आउनेहरुको लागि भाडा सहजीकरण गरिदिए शिक्षामा पहुँच बढने धारणा सहित विद्यार्थीलाई ४५ प्रतिशत छुट दिन माग गरेको हो ।

जनकपुर सोशल फोर्सका अध्यक्ष अजय पण्डितको अगुवाईमा गएको युवाहरुको टीमले जनकपुर बस व्यावसायीलाई ज्ञापन पत्र बुझाएको हो ।