शहिदनगरको सबै विद्यालयमा भोलीदेखि जाडो विदा सुरु

न्यूज ब्यूरो, जनकपुरधाम । धनुषाको शहिदनगर नगरपालिकाले भोली बुधबारदेखि एक साताको जाडो विदा दिने निर्णय गरेको छ ।

नगरपालिकाको शिक्षा शाखाले वर्तमान अवस्थालाई मध्यनजर गर्दै बालबालिकाहरुको सुविधाको लागि सरकारले प्रत्येक वर्ष दिने जाडो विदा शितलहर चढेपछि दिने निर्णय गरेको हो ।

नगरपालिकका निमित्त प्रमुख प्रशासकीय अधिकृत रामनरेश चौधरी र शिक्षा शाखाका प्रमुख विश्वनाथ यादवले नगरपालिकाको तर्फबाट जारी गरेको सूचनामा भोली बुधबार पुस २५ गतेदेखि आउँदो माघ २ गते मँगलबारसम्म एक साताको विदा दिने निर्णय गरेको हो ।

चिसो बढेपछि बालबालिकाहरुमा हुन सक्ने स्वास्थ्य समस्यालाई मध्यनजर गर्दै एक हप्ते जाडो विदा दिएको हो ।