तस्करसंग घुस लिदै गर्दाको फोटो खिच्दा पत्रकारमाथी प्रहरीको दादागिरी

रंजन भण्डारी |
महोत्तरी, २२ जेठ । महोत्तरीमा एक तस्करसंग पैसा लिईरहेको प्रहरीको फोटो खिच्दा एक पत्रकारमाथी प्रहरीले हातपात गरेको छ ।

फोटो किन खिचेको भन्दै प्रहरी हवल्दार राजेन्द्र वहादुर वस्नेतले नेपाल टेलिभिजनका महोत्तरी सम्वाददाता राजिव राय कुर्मीमाथी सोमवार साझ करिव ६ वजे हातपात गरेको हो ।

जिल्लाको सम्सी गाउपालिका स्थित वजार क्षेत्रमै वर्दीमै रहेका एक प्रहरी जवान राकेश रायले पैसा लिइरहेको वेला फोटो खिचेका पत्रकार कुर्मीलाई तत्कालै सोहि स्थानमा आइपुगेको ईलाका प्रहरी कार्यालय सम्सीका हवल्दार वस्नेतले धक्कामुक्की गर्दै मोबाईल खोस्ने प्रयास गरेको साथै कठालो समात्दै फोटो डिलिट गर्न प्रयास गरेका थिए ।

पत्रकार कुर्मीले आफु पत्रकार भएको परिचय दिदै फोटो खिच्ने आफ्नो अधिकार भएको बताएपछि हवल्दार वस्नेतले कठालो छोडेका थिए ।

कठालो समातेकै वेला हवल्दार वस्नेतले आफुलाई कसैले कार्यवाही गरेपनि जागिर नै खान नसक्ने र आफुलाई जहा सरुवा गरेपनि फरक नपर्ने संचारकर्मी कुर्मीमाथी खनिएका थिए ।

सम्सीका विभिन्न नाका हुदै दैनिक लाखौ रकम वरावरको तस्करी प्रहरीकै मिलोमतोमा भईरहेको खवर पाएको र सोहि वारे वास्तविकता वुझ्न आफु नाका छेउमै जादा प्रहरीले वर्दीमै तस्करहरुसंग पैसा वसुली गरेको देखेपछि आफुले फोटो खिचेको संचारकर्मी कुर्मीले बताए ।

घटना वारे जानकारी पाएका प्रमुख जिल्ला अधिकारी वावुराम श्रेष्ठले तत्काल यसवारे वुझने बताएका छन ।

उनले घटनामा प्रहरी दोषी देखिए कार्यवाही समेत हुनेमा निश्चिन्त रह्न संचारकर्मीहरुलाई भनेका छन ।