वार्षिकोत्सवमा जनकपुरको सिद्धार्थ स्कूलले वृद्धाश्रम र बालाश्रममा बाँडे खाद्यान्न र स्टेशनरी

न्यूज ब्यूरो, जनकपुरधाम । जनकपुरको सिद्धार्थ स्कूलले आफ्नो ४३ औँ बार्षिकोत्सवको अवसरमा जनकपुरको जानकी वृद्धाश्रम र कविर बालाश्रममा खाद्यान्नसहित शैक्षिक समाग्री वितरण गरेको छ ।

आफ्नो ४३ औँ वार्षिकोत्सवको अवसर पारेर सिद्धार्थ स्कूलले समाजिक सहयोग अन्तर्गत जनकपुरस्थित रहेको जानकी वृद्धाश्रम र कविर अनाथालयमा खाद्यान्न समाग्री वितरण गरेको हो ।

स्कूलका सँचालक शितल यादवको विशेष उपस्थितिमा त्रिदिवसीय कार्यक्रम अन्तर्गत शुक्रबार सो समाग्रीहरु वितरण गरिएको हो ।

जानकी वृद्धाश्रममा ५० किलो चामल, ५ किलो गहुँको पीठो, ३ किलो रहर दाल, २० किलो आलु, ५ किलो चिनी, १ किलो चियापत्ति, ३ लिटर खाने तेल, ५ किलो नुन, डेढ दर्जन नुहाउने र कपडा धुने साबुन, १८ थान साडी, १३ थान टोपी, १३ थान मोजा, १३ थान गरी ब्रस र पेष्ट, ३ दर्जन विस्कुट, डेढ दर्जन चाउचाउ लगायतका समाग्री प्रदान गरेको हो ।

सोही परिणामको खाद्यान्न समाग्री सहित तीन दर्जन कापी, पेन, पेन्सील थप गरी अनाथाश्रममा समाग्री वितरण गरिएको हो । शनिबार अन्तिम दिन विद्यार्थीहरुको फुड प्रदर्शनी गरी त्रिदिवसीय कार्यक्रम सम्पन्न भएको प्रिन्सीपल राजु यादवले जनाए ।