जनकपुरमा सिद्धार्थ बैँकको रक्तदान, ४ दर्जन बढीले दिए रगत

न्यूज ब्यूरो, जनकपुरधाम । सिद्धार्थ बैँकले आफ्नो स्थापना दिवसको अवसरमा रक्तदान कार्यक्रम गरेको छ ।

सिद्धार्थ बैँकले आफ्नो २१ औँ वार्षिकोत्सवको अवसरमा मधेश प्रदेशको जनकपुरधाम स्थित रहेको शाखामा शुक्रबार रक्तदान कार्यक्रमको आयोजना गरी रक्तदान गरिएको बैँकका कर्मचारी कृष्णा शाहले जानकारी दिए ।

शाहका अनुसार, नेपाल रेडक्रस सोसाईटीको समन्वयमा आयोजना गरिएको रक्तदान कार्यक्रममा ५० जना बढीले रक्तदान गरेको हो । चिसो बढेसँगै अस्पतालहरुमा रक्त अभावलाई मध्यनजर गर्दै सिद्धार्थ बैँकले रक्तदान कार्यक्रम गरी स्वास्थ्य तथा समाजिक क्षेत्रमा टेवा पुरयाएको बताईएको छ ।

वार्षिकोत्सवको अवसरमा मधेश प्रदेशसहित देशैभरिको शाखाबाट रक्तदानसहित विभिन्न कार्यक्रम गर्ने योजना रहेको छ ।