धनुषा निर्वाचन क्षेत्र नं. २ काँग्रेसको क्षेत्रीय सभापतिमा गोहिबार, शिवधारीदेखि प्रसैलासम्म महासमिति सदस्यमा निर्वाचित

न्यूज ब्यूरो, जनकपुरधाम । धनुषा निर्वाचन क्षेत्र नम्बर २ को क्षेत्रीय सभापतिमा नविन गोहिबार (यादव) निर्वाचित भएका छन् ।

शनिबार विदेह नगरपालिकाको नमुना विद्यालयमा भएको मतदान सम्पन्नपछि अबेर राती भएको मतगणनाबाट अधिक मत ल्याएर गोहिबार क्षेत्रीय सभापति पदमा निर्वाचित भएका हुन् ।

सभापतिको लागि भएको त्रिपक्षिय भिडन्तमा नविन गोहिबारले ३५१ मत ल्याए भने उनका निकटम प्रतिद्धन्दी भुपनारायण यादवले ३१२ मत ल्याए । यस्तै तेस्रो सभापतिका उम्मेदवार शिवशंकर गोईत (साधु) ले ९९ मत प्राप्त गरे ।

मतदानको क्रममा कुल खसेको ७७५ मत मध्ये १३ मत बदर भएको थियो ।

यस्तै, काँग्रेसको महासमिति सदस्यमा पूर्व साँसद दिनेश प्रसैला समेत निर्वाचित भएका छन् । प्रत्यक्षतर्फ प्रसैलासहित नेपाली काँग्रेसका दिग्गज एवम् अनुभवि नेता मानिएका शिवधारी यादव समेत निर्वाचित भएका छन् । महासमिति सदस्यमा शहिदनगर नगरपालिकाका मेयर प्रत्यासी सुधिर गोईत, महेश शँकर गीरी, राजदेव यादव निर्वाचित भएका हुन् ।

यस्तै, समानुपातिक तर्फ उतिम प्रसाद मण्डल र रामचन्द्र मण्डल निर्वाचित भएका हुन् ।